Sıfrly túrlený utymdy sheshim usynady

Jıynda aıtylǵandaı, pandemııa men áleýmettik oqshaýlaý bilim berý tehnologııalary ın­dýs­trııasynyń oń serpinine aınaldy. Búkil álemde bilim berý júıesiniń jedeldetilgen sıfrly túrlenýi júrýde. Mektepter, ýnı­versıtetter jáne kásibı sertıfıkasııalar jyldam onlaın rejimge kóshýde. Bul salanyń sıfrlanýy bolashaqtyń emes, búgingi kúnniń jaǵdaıyna aınaldy.

– 2020 jyl kópke deıin este qalady. Bolashaqta zamandastyrymyz bir ǵana máseleni – EdTech aıasynda áleýmettik qashyqtyqty saqtaýda oń sheshimder izdeýde barsha álem men ár salanyń ókil­deri bolyp birlesip jumys istegenin mysalǵa keltire otyryp, sıfrly túrlendirýdiń túrli joldaryn qarastyratyn bolady. Sondyqtan biz ekonomı­kanyń eń ekologııalyq taza salasy – bilim berý salasynda utym­dy sheshimder usyna al­a­tyn jáne halyqaralyq ynty­maqtastyq qura alatyn eń úz­dik mamandardy jınadyq, – dedi «AHQO ákimshiligi» AQ Bas­qarma tóra­ǵasynyń orynbasary Ernur Rysmaǵambetov.

Sarapshylar joǵary bilikti IT-mamandardy izdestirý jáne bilim salasyna tartýdyń ózek­ti máselelerin; salanyń áleý­met­­tik oqshaýlanýdan jáne bi­lim berýdiń sıfrly túrlen­di­rýden alǵan tájirıbesin; sıf­r­ly ekono­mıkadaǵy adam­ kapı­talynyń róli jáne Tórtinshi ónerkásiptik revo­lıý­sııa jaǵ­daıyndaǵy bilimniń orny jaıly pikir almasty.

– Qazirgi ýaqytta bilim be­rý júıesi úlken ózgeristerge ushy­rap jatyr. Bilim berýdegi tez ıkem­­dele alatyn jáne tıimdi ádister qoljetimdi bolyp, salany tutastaı ózgertetin ınnovasııalyq ádister paıda bolýda. Bilim berý salasynda ınnovasııalyq tehnologııalardy utymdy paıdalanǵan qazaqstandyq jobalar men bastamalardy kórip qýanasyz. Qazir bilim berýde qandaı ózgerister qa­jet ekenin túsiný úshin ártúrli ekojúıe mamandarymen saladaǵy ózgeris­terdi talqylaýdyń ýaqyty keldi, – dedi «Zerde» ulttyq ın­fokom­mýnıkasııalyq holdıngi» AQ basqarma tóraǵasynyń orynbasary Pavel Koktyshev.

Forým barysynda bilim júıe­sine qatysty kóptegen máseleler talqylanyp, naqty sheshimder shyǵaryldy.