Qazaly aýdanynyń aýmaǵynan ótetin "Batys Eýropa – Batys Qytaı" halyqaralyq avtojolynyń boıynan taǵy bir kópsalaly qyzmet kórsetý kesheniniń qurylysy júrip jatyr, dep jazady Egemen.kz
Aýdan ortalyǵy Áıteke bı kentine jaqyn jerdegi "Qashqan sý" kóliniń jaǵasyndaǵy 3 gektar aýmaqta qonaq úı, tamaqtaný orny, avtoturaq, avtokólik jýý ortalyǵy jáne shaǵyn market ashylyp, jolaýshylar men turǵyndarǵa qyzmet kórsetetin bolady. Jalpy quny 350 mln teńge bolatyn jobany kásipker Baqytbek Erhatov qolǵa alyp otyr. Kásipkerdiń aıtýynsha, qurylys jumystary aıaqtalyp, joba tolyq iske asqan kezde keshennen 10 adam turaqty jumys tabady.
Buǵan deıin aýdan aýmaǵyndaǵy "Batys Eýropa – Batys Qytaı" avtokólik dáliziniń boıynan "Arzan Sıtı", "Mıras" keshenderi, "Sinooil", "TS Qyzylorda munaı ónimderi" janar-jaǵar maı beketteri paıdalanýǵa berilgen bolatyn.