Mal urlyǵynyń aldyn alý, jolyn kesý maqsatynda Qyzylorda oblysy kóleminde shilde aıynyń 30 men tamyz aıynyń 5 kúnderi aralyǵynda "Mal urysy" jedel-profılaktıkalyq is-sharasy ótýde.
Jedel shara barysynda Qyzylorda qalalyq Polısııa basqarmasy qyzmetkerleriniń jedel áreketteriniń nátıjesinde oblys ortalyǵynda mal urlyǵyna kúdikti 50 jastaǵy qala turǵyny ustaldy. Kúdikti azamat jaıylymnan sıyr urlap, mal ıesine 200 000 teńge kóleminde materıaldyq shyǵyn keltirgen.
Qazir kúdiktiniń basqa da qylmystarǵa qatystylyǵy tekserilýde. Mal ıesine keltirilgen shyǵyn tolyq qaıtaryldy. Atalǵan derek boıynsha Qazaqstan Respýblıkasy Qylmystyq kodeksiniń 188-1-babynyń 1-bóligimen sotqa deıingi tergep-tekserý amaldary júrgizilýde.