"Kóktal-1", "Kóktal-2", "Jeleznodorojnyı", "Promyshlennyı" turǵyn alaptary turǵyndarynyń nazaryna (Tilendıev dańǵ.- Kóktal kóshesi - Bókeev kósh. temirjol joly sheginde): osy front-ofısterde atalǵan turǵyn alaptardyń turǵyndary úshin gazben jabdyqtaý jelilerine qosylýǵa tehnıkalyq sharttar berý rásimi bastaldy, dep habarlaıdy elorda ákimdigi.
Front-ofıster 2020 jyldyń 4 tamyzynan bastap Bolashaq 4/2 (Kóktal-1), J.Jabaev k-si, 12 (Jeleznodorojnyı) meken-jaılarynda jumys isteıdi. Front-ofısterdiń jumys ýaqyty 9:00-den 18:00-ge deıin, túski úzilis 13:00-den 14:00-ge deıin.
Sondaı-aq atalǵan mekenjaılarda gazdandyrý jumystary kezinde buzylǵan abattandyrýdy qalpyna keltirýge ótinimder qabyldanady. Front-ofısterde qala jáne aýdan ákimdigi, "QazTransGaz Aımaq" AQ ókilderi men merdigerlerdiń jumysy uıymdastyrylǵan. Gazdandyrý máseleleri týraly aqparat qala ákimdiginiń astana.gov.kz saıtynda, 109Ikomek telefony boıynsha qoljetimdi.