Jambyl atyndaǵy Qazaq memlekettik fılarmonııasy 2020 jylǵy 11-tamyz ben 11-qyrkúıek aralyǵynda "Philharmonic Online Fest" onlaın-festıvalin usynady, - dep habarlaıdy Egemen.kz.
Festıval aıasynda kórermender fılarmonııanyń tanymal talantty solısteri - Qazaqstannyń eńbek sińirgen qaıratkeri Ǵabıt Nesipbaev, Gúljan Úzenbaeva, Ermek Qurmanaev, Ámir Bısenǵalıev, Maııa Sepp, sondaı–aq mýzykalyq ujymdar - Memlekettik akademııalyq sımfonııalyq orkestrin, QR Memlekettik hor kapellasyn, Ǵ. Jubanova atyndaǵy Memlekettik ishekti aspaptar kvartetiniń konsertin fılarmonııanyń áleýmettik jelidegi resmı Youtube arnasy arqyly onlaın formatta tamashalaı alady.
Is-sharanyń maqsaty - kórermenderge fılarmonııanyń konsert zalyna barýǵa múmkindik joq karantın kezeńinde onlaın formatta, álemdik klassıkalyq mýzykanyń eń úzdik úlgilerin tamashalaýǵa, sondaı-aq fılarmonııa mýzykanttarynyń shyǵarmashylyǵymen tanysýǵa múmkindik berý.
Festıval baǵdarlamasynda qazaqstandyq jáne sheteldik kompozıtorlardyń shyǵarmalary bar.