Halyqaralyq jeńil atletıka federasııasy (World Athletics) úsh aılyq úzilisten soń maýsymdy qaıta qolǵa aldy, dep habarlaıdy Egemen.kz Olympic.kz saıtyna silteme jasap.
Atap aıtar bolsaq, 11 tamyz kúni Fınlıandııanyń Týrký qalasynda Paavo Nýrmı atyndaǵy týrnır bastalady. Al úsh kúnnen soń Monakoda "Gaýhar lıgasynyń" qysqartylǵan nusqasy Herculis EBS jalaýyn kóteredi.
Uıymdastyrýshylar jarys barysynda barlyq qaýipsizdik sharalary saqtalatynyn aıtýda. Qatysýshylardyń barlyǵy qatań tekserýden ótip, COVID-19 vırýsyna test tapsyrady.
"Biz dál qazirgideı damylsyz jumys istemegen shyǵarmyz. Jaǵdaıdyń qanshalyqty qıyn bolǵanyn túsindire almaımyn. Ásirese, Shengen aımaǵynyń qaýipsiz elder tizimine áli enbegen AQSh, Ýganda, Kenııa sportshylarymen kelisimge kelý ońaı soqpady", - deıdi Monakodaǵy kezdesý dırektory Jan-Per Shebel.