AITV-ǵa qupııa tekserilý áli de másele kúıinde qalyp otyr

Jańa AITV ınfeksııasyn juqtyrý jaǵdaılarynyń sanyn azaıtý jáne AITV-dan qaıtys bolý deńgeıin tómendetý úshin USAID eldegi AITV ınfeksııasynyń ósý qarqyny eń joǵary Shyǵys Qazaqstan jáne Pavlodar oblystarynda jumys atqardy. Sońǵy bes jylda USAID 10 myń adamdy AITV-ǵa tekserdi, olardyń 600-ge jýyǵy ózderiniń oń AITV-statýsy týraly bildi. Osy joba arqyly AITV taldaýy oń nátıje bergen taǵy 3 myń adam ómirlik qajetti em qabyldaı bastady. Atalǵan sharalar Qazaqstanǵa «IýNEIDS 90-90-90 maqsattaryna» qol jetkizýge kómektesedi ári eldi JITS indetimen kúrestiń máre­si­ne jaqyndatady.

«Qazaqstan Úkimeti aımaqtaǵy AITV/JITS-ke qatysty máse­le­lerge basshylyq etip, onymen kúresý sharalarynyń kóp bóligin qarjylandyrady. Qazaqstanmen birge jumys istegen kezde qyz­me­timizdiń ekonomıkalyq tı­im­­di ári nátıjeli bolýyn maq­sat tutamyz. AITV-ǵa qu­pııa testileý múmkindikterin qol­daný áli de másele bolyp otyr. Talaı adam burynǵydaı aýyr­ǵannan jáne ózinde aýrý bel­gi­lerin anyqtaǵannan keıin ǵana testileýden ótýde», dedi Or­talyq Azııadaǵy USAID aımaq­tyq mıssııasynyń dırektory Krıstofer Edvards.

USAID usynǵan Qazaq­stan­da­ǵy úkimettik emes uıymdarǵa (ÚEU) arnalǵan halyqtyń negizgi toptary arasyndaǵy jumysty tirkeıtin aqparattyq basqarý júıesi atqarylǵan qyzmetterdiń sapasyn jaqsartýǵa múmkindik beredi. ÚEU olardy basqa jobalarda jáne áleýmettik mem­le­kettik tapsyrys­tarda bel­sen­di qoldana bastaıdy, bul AITV-men kúresýge azamattyq qoǵamnyń úlesin arttyrýǵa múm­kin­dik beredi», dedi Densaýlyq saqtaý mınıstrliginiń Qazaq dermatologııalyq jáne ınfek­sııa­lyq aýrýlar ǵylymı orta­ly­ǵynyń dırektory Baýyrjan Baıserkın.

USAID pasıentterdi jeteleýge jáne AITV-ǵa testileýge arnalǵan ınnovasııalyq tá­sil­derdi engizdi. 2019 jyldyń qarashasynan bastap USAID ÚEU arqyly ekspress-testileý men ózdiginen testileý sharalaryn engizýge kómektesti, bul 500-den astam adamdy testileýge múmkindik berdi. Sonymen qatar USAID Qazaqstandaǵy ÚEU-dar úshin halyqtyń negizgi toptary arasynda AITV indetin qa­da­ǵa­laý men baqylaýda ustaýǵa kómektesetin aqparattyq bas­qa­rý júıesin usyndy. AQSh Úki­meti USAID arqyly 2003 jyldan bastap AQSh Prezı­den­tiniń JITS-pen kúresý jónindegi Tótenshe josparyna sáıkes qarjylandyrylatyn Qazaqs­tandaǵy AITV-men kúre­sý baǵdarlamalaryna qoldaý kór­se­tedi, munyń eń sońǵy mysaly USAID-tiń Ortalyq Azııadaǵy AITV boıynsha «Flagman» baǵdarlamasy sheńberinde qoldaý kórsetý bolyp tabylady.

ALMATY