Oblys ákimi О́mirzaq Shókeev Túrkistan qalasyndaǵy qarqyny údeı túsken qurylys alańdaryn aralap, jumysshylarmen kezdesti. Bul týraly Egemen.kz Túrkistan oblysy ákiminiń baspasóz qyzmetine silteme jasap habarlaıdy.
Qurylys barysyn baqylap, merdiger kompanııa jaýaptylaryna birqatar tapsyrma júktedi. Aımaq basshysy bekitilgen kesteden aýytqymaýdy eskertti jáne qajet bolǵan jaǵdaıda qurylys alańyndaǵy jumysshylar sanyn arttyrýdy tapsyrdy. Sapa – basty nazarda.
"Túrkistan qalasynyń qurylysy men sáýletiniń sapasy ómirsheń de ózekti. Sondyqtan bul másele qatań baqylaýdy qajet etedi. Sapada salǵyrttyqqa jol bermeımiz. Qalada sáýlet óneriniń ozyq úlgilerine aınalar aıtýly ǵımarattar boı kótergen. Qurylys aýqymy joǵary qarqynmen júrgizilip jatyr. Eń bastysy, halyqqa yńǵaıly, sapasy minsiz bolýy tıis", – deıdi oblys ákimi.
Ákimshilik-iskerlik ortalyǵynda japsarlas salynǵan úı jaılary men parkıngi bar zamanaýı záýlim úılerdiń qurylysy bıyl paıdalanýǵa beriledi. О́mirzaq Estaıulynyń tapsyrmasyna sáıkes, kóppáterli turǵyn úılerdiń qasbeti tutastaı ashyq tústi travertın men aq mármármen qaptalýda.
Túrkistan qalasy ákimshilik-iskerlik ortalyǵynda 7,9 jáne 12 qabatty 5600 páter, 89 turǵyn úı qurylysy memlekettik bıýdjet esebinen salynýda. Jyl qortyndysymen 7 qabatty 24 turǵyn úı, ıaǵnı, 1452 páter paıdalanýǵa beriledi. Kezekte turǵan áleýmettik osal toptarǵa jáne kópbalaly otbasylarǵa 450 páter, memlekettik qyzmetkerlerge 1000-nan astam kredıttik turǵyn úı tapsyrylady.