Túrkistan qalasyndaǵy ákimshilik-iskerlik ortalyǵyndaǵy 11 nysannyń qurylysy tolyq aıaqtaldy. Bul týraly Egemen.kz Túrkistan oblysy ákiminiń baspasóz qyzmetine silteme jasap habarlaıdy.
Jańa nysandardyń aýlasy abattandyrylyp, ishi jıhazben jabdyqtalýda. Basqarmalar ǵımaraty, Departamentter ǵımaraty, Kongress ortalyǵy, Stadıon jaqynda el ıgiligine beriledi. Oblys ákimi О́mirzaq Shókeev jumysshylardyń saqtyq sharalaryn saqtaýy basty nazarda ekenin eskertti. Sondaı-aq qurylys barysynyń báseńdemeýin mindettedi.
Aımaq basshysy oblys ortalyǵynda salynyp jatqan 5 myń oryndyq iri meshittiń qurylysymen tanysty. Munda ekinshi qabattyń monolıtti karkastaryn qurastyrý jumystary júrgizilýde. Byltyr qurylysy bastalǵan meshit – kórshi О́zbekstan eliniń Túrkistanǵa tartýy. Joba qurylysyn О́zbekstan prezıdenti Shavkat Mırzııaev qoldaǵan. Meshit ishine - 5 myń, onyń mańyna taǵy 3 myń adam syıady. Sáýlet kesheninde kitaphana, kongress-holl, ǵuryptyq bólmeler, 180 oryndyq medrese, ashana, sport alańdary, avtoturaq, sýburqaq bolady dep aıtylady.
Shymkent qalasynyń syıy – ǵylymı-ámbebap kitaphananyń syrtqy jáne ishki árleý jumystary júrgizilýde. Temir konstrýksııasyn montajdaý jáne betondaý jumystary áli jalǵasyp jatyr.