Búgin Túrkistanda onlaın formatta "Nur Otan" partııasy Túrkistan oblystyq fılıalynyń kezekten tys HHHIH konferensııasy ótti. Konferensııaǵa Túrkistan oblysynyń ákimi, partııanyń oblystyq fılıalynyń tóraǵasy О́mirzaq Shókeev pen saıası keńes músheleri qatysty. Al aýdandar men qaladaǵy partııa ókilderi jıynǵa onlaın rejımde qosyldy. Bul týraly Egemen.kz oblys ákiminiń baspasóz qyzmetine silteme jasap habarlaıdy.
Konferensııada «Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev jyl basynan beri atqarylǵan jumystarǵa toqtalyp, aldaǵy josparlaryn baıandady. Partııanyń oblystyq fılıaly bıyl aýqymdy jumystar atqaryp, ıgi isterge bastamashyl bola bildi.
Elimizde koronovırýs pandemııasyna baılanysty tótenshe jaǵdaı jarııalanǵany belgili. Osy qıyn kezeńde «Nur Otan» partııasy «Biz birgemiz» aksııasyn úılestirdi. «Jas Otan» JQ belsendilerinen eriktiler jasaqtalyp, muqtaj otbasylarǵa «Esikten – esikke» prınsıpi boıynsha azyq-túlik sebetteri taratyldy. Jalpy aksııa aıasynda 43540 otbasyna azyq-túlik sebetteri berilgen. Oǵan oblys kásipkerleri, partııa músheleri, oblystyq máslıhat depýtattary úles qosty. Túrkistan oblysy kómek kórsetilgen azamattar sany jaǵynan respýblıkada 2-orynǵa shyqty.
«Elbasy, partııa Tóraǵasy N.Nazarbaevtyń tapsyrmasymen qurylǵan «Birgemiz» respýblıkalyq qory arqyly óńirdegi 34055 otbasyna 50000 teńgeden berildi. Turǵyndar partııanyń bul bastamasyna rızashylyqtaryn bildirip jatyr. Sonymen birge óńirde «О́mir» jáne «Shıpa» jobalary qolǵa alyndy. Joba aıasynda 50 jasandy tynys alý apparatyna tapsyrys berilip, áleýmettik jaǵdaıy tómen 500-den astam otbasyna dári-dármek qobdıshalary tapsyrylyp jatyr. Partııa fılıalynyń qoǵamdyq qabyldaý bólmelerine 2020 jyldyń 16 naýryzynan 1 tamyzǵa deıingi aralyqta 15 184 aryz-shaǵym kelip túsip, 11 553-i /76,1%/ ońtaıly sheshilip, 3631-ine zań aıasynda keńes berildi. Jyldyń birinshi toqsanymen salystyrǵanda aryz-ótinishter sany 6 esege artqan. Turǵyndardyń aryz-shaǵymyn qabyldaý ári ótinishterin sheshý baǵytyndaǵy jumystar boıynsha Túrkistan oblystyq fılıaly respýblıkada 2-orynda tur», – degen B.Dáýletuly partııaishilik praımerızge daıyndyq barysy týraly da baıandady.
Búginde óńirde praımerızge daıyndyq júrgizilip jatyr. Daýys berýge «Nur Otan» partııasynyń 80720 múshesi qatysady dep josparlanýda. Debattardy ótkizýge jáne daýys berýge arnalǵan 209 oryn belgilendi.
Onlaın konferensııada partııanyń Túrkistan oblystyq fılıaly Saıası keńesiniń quramyna ózgertýler men tolyqtyrýlar engizildi.
Jıyndy túıindegen oblys ákimi, partııa tóraǵasy О́mirzaq Shókeev Memleket basshysy Qasym-Jomart Toqaevtyń daǵdarysqa qarsy kúres jónindegi tapsyrmalaryn negizge ala otyryp, jumysty júıeleý kerektigine toqtaldy.
«Elbasy, partııa Tóraǵasy Nursultan Nazarbaevtyń bastamasymen «Nur Otan» partııasynyń praımerız ótkizýi – otandyq partııalyq júıedegi demokratııalanýdyń jańa kezeńiniń bastaýy. «Myqty lıderler – myqty partııa» qaǵıdaty boıynsha ótetin praımerızde jurtshylyqtyń ártúrli áleýmettik toptaryn qamtýǵa kóńil bólinip otyr. Sondyqtan búgingi tańdaǵy mindetimiz – qoǵamdyq qubylystarǵa, el taǵdyryna beı̆-jaı̆ qaramaı̆tyn, daryndy da kreatıvti azamattardy aldaǵy praı̆merızge belsendi qatysýǵa shaqyrý. Partııa qataryn memleketshil azamattarmen tolyqtyryp, kadrlyq rezervti kúsheıtý kerek», – degen О́.Estaıuly partııa fılıaldaryna praımerızdi ádil ári joǵary deńgeıde ótkizý jóninde tapsyrma berdi.