Qazaqtyń uly oıshyly jáne aǵartýshysy Abaı Qunanbaıulynyń 175 jyldyǵyn merekeleý aıasynda Qazaqstannyń Brazılııadaǵy Elshiligi Argentınanyń Rosarıo qalasyndaǵy qazaq mádenı ortalyǵymen birlesip onlaın-konferensııa uıymdastyrdy.
Is-sharaǵa memlekettik qyzmetkerler, Rosarıo qalasynyń ákimshiligi, ońtústikamerıkalyq memleketterdiń akademııalyq jáne isker toptarynyń ókilderi, osy elderdiń Brazılııadaǵy dıplomatııalyq mıssııalarynyń basshylary men jumysshylary, BAQ ókilderi, mádenı ortalyqtyń eriktileri qatysty.
Konferensııaǵa qatysýshylar Abaıdyń shyǵarmalaryna úlken qyzyǵýshylyq tanytyp, ashylýǵa josparlanyp otyrǵan «Abaı álemi» mádenı ortalyǵy men Ońtústik Amerıka elderinde ornalasqan uqsas mekemeleri arasynda baılanys ornatý, uly qazaq oıshylynyń ómiri men shyǵarmashylyǵyna arnalǵan ǵylymı is-sharalar, ádebı keshter men kórmeler uıymdastyrý týraly usynystar aıtyldy.