Túrkistan oblysy, Otyrar aýdany Shəmshi Qaldaıaqov aýylynda Mədenıet jəne sport mınıstri Aqtoty Raıymqulova, Túrkistan oblysynyń ákimi О́mirzaq Shókeev pen sazgerdiń uly Muhtar Qaldaıaqov «qazaq valsiniń koroli» atanǵan Shámshi Qaldaıaqovqa arnalǵan elimizdegi alǵashqy mýzeıdiń ashylýyna qatysty, - dep habarlaıdy Egemen.kz oblys ákimdiginiń baspasóz qyzmetine silteme jasap.
Shámshi Qaldaıaqovtyń týyp-ósken úıiniń úlgisinde salynǵan «mýzeı-úıi» demeýshilerdiń esebinen júzege asty. Mýzeı qurylysy kezinde dańqty sazgerdiń kózin kórgen azamattardyń estelikteri esepke alynǵan.
«Shámshi Qaldaıaqov - qalyń qazaqtyń sheksiz súıispenshiligine bólengen, ulttyq ən ónerinde aıryqsha iz qaldyrǵan seri sazger, qazaq valsiniń koroli. Dúıim jurt moıyndaǵan biregeı óner ıesi - Egemendigimizdiń aıbary sanalatyn ənuran mýzykasynyń avtory. Syrshyl sezimge qurylǵan lırıkalyq ásem týyndylar keleshekte de halyqpen birge máńgi jasaı bersin»,-dedi A.Raıymqulova.
Shəmshi Qaldaıaqovtyń mandolınasy men QR Ulttyq mýzeıi syıǵa tartqan kompozıtordyń bas kıimi jəne ózge de qoldanǵan buıymdary murajaı tórinen oryn aldy.
"Osy elde týyp - ósken Shámshi Qaldaıaqov barsha qazaqtyń maqtanyshy ekeni belgili. Erekshe talant ıesiniń esimin Túrkistan qalasyndaǵy mýzykalyq mektepke beremiz, dep otyrmyz. Aldyna eskertkish ornatylady. Shámshi Qaldaıaqovtyń 90 jyldyq mereıtoıyna bıyl áli talaı is-sharalar oılastyrylǵan. Jalpy, Uly sazgerdiń óshpes týyndylaryn tek ataýly kúnderde ǵana emes, kúndelikti nasıhattaý kerek. Bul óskeleń urpaqtyń tárbıesi úshin mańyzdy",- dedi О́mirzaq Estaıuly.
Shámshi Qaldaıaqovtyń mereıtoıyna arnalǵan sharalar bul kúnderi eldegi karantın jaǵdaıyna oraı onlaın túrde ótetin bolady. Respýblıka boıynsha sazgerdiń týǵan kúnine arnalǵan 100-den astam onlaın joba júzege aspaq.