Túrkistan qalasynyń polıseıleri “Qaýipsiz jol” jedel aldyn alý sharasy barysynda 500-ge jýyq jol erejesin buzý jaıtyn anyqtady, – dep habarlaıdy Egemen.kz Polisia.kz saıtyna silteme jasap.
Esterińizge sala keteıik, Túrkistan oblysynyń aýmaǵynda “Qaýipsiz jol” jedel-aldyn alý sharasy ótkizildi. Onyń negizgi mindeti jol-kólik oqıǵalarynyń aldyn alý, oblys joldarynda oryn alatyn apattylyqty azaıtý, júrgizýshiler arasynda kólik tártibin arttyrý jáne jol qaýipsizdik erejelerin óreskel buzýshylyqtaryn anyqtaý bolyp tabylady.
Nátıjesinde, úsh kúnniń ishinde Túrkistan qalasynyń polıseıleri “Qaýipsiz jol” jedel aldyn alý is-sharasynda 562 ákimshilik quqyq buzýshylyq, onyń ishinde 480-nen astam jol qozǵalysy erejelerin buzýdy anyqtady. Tártip saqshylary kólikti qujatsyz basqarǵan tórt mas júrgizýshi men 30-dan astam qujatsyz júrgen tártip buzýshyny ustady.
Sondaı-aq, qaýipsizdik beldigin paıdalanbaǵany úshin 108 júrgizýshi, kólikti basqarý kezinde uıaly telefondardy paıdalanǵany úshin, áınekterdi kúńgirttegeni úshin 17 júrgizýshi jaýapkershilikke tartyldy. Jol belgilerimen belgilengen talaptardy saqtamaǵany úshin 52 avtoáýesqoı, jol qıylystarynan ótý erejelerin buzǵany úshin 10, júrgizýshilerdiń syrtqy jaryq quraldaryn paıdalaný erejelerin buzǵany úshin 43 jáne kólik quraldarynyń qozǵalysyna kedergi keltirgeni úshin 48 adam jaýapkershilikke tartyldy. 20-dan astam qala turǵynyna qatysty jaıaý júrginshilerdiń qozǵalys erejelerin buzǵany úshin ákimshilik hattama toltyryldy.
Budan basqa, “Qaýipsiz jol” jedel aldyn alý is-sharasy aıasynda “nóldik tózimdilik” jelisi boıynsha tártip saqshylary 30-dan astam usaq buzaqylyq jaıtyn, belgilenbegen oryndarda 11 saýda jasaý jaıtyn, mas kúıinde qoǵamdyq orynda júrýdiń alty oqıǵasyn, sondaı-aq segiz adamǵa ruqsat etilmegen jerde temeki shekkeni úshin aıyppul salyndy.
О́z kezeginde Túrkistan qalasynyń polıseıleri jol-kólik oqıǵalarynyń aldyn alý, jol qozǵalysyna qatysýshylardyń qaýipsizdigin qamtamasyz etý, qoǵamdyq tártip pen karantındik tártip talaptaryn saqtaý maqsatynda jol qozǵalysyna qatysýshylarǵa JQE saqtaý týraly jadnamalar, medısınalyq betperdeler taratty. Sondaı-aq jol qaýipsizdigin saqtaý mańyzdylyǵy týraly túsindirý jumystaryn júrgizdi.