Túrkistan oblysynyń ákimi О́mirzaq Shókeev Maqtaaral aýdanyndaǵy qurylys sapasyn qatań baqylaı otyryp, kezekti ret atqarylyp jatqan jumystarmen tanysty. О́ńir basshysy О́rgebas, Fırdaýsı aýyldaryn qalpyna keltirý jumystarynyń barysyn baqylap, turǵyndarymen kezdesti, - dep habarlaıdy Egemen.kz oblys ákiminiń baspasóz qyzmetine silteme jasap.
Maqtaaral aýdanyndaǵy jaǵdaı alǵashqy kúnnen memleket nazarynda ekeni málim. Sý tasqyny saldaryn joıyp, aýdannyń kúndelikti tirshiligin qaıta qalpyna keltirý úshin qajetti sharalar qabyldanyp, qıraǵan úılerdiń ornyna jańa turǵyn úıler salynýda.
4 myńdaı halyq meken etken eki eldi mekendegi 500-den astam baspana tolyǵymen buzylyp, qaıta salynyp jatyr. Sý basýdyń saldarynan zardap shekken ár úıdiń qurylysyna memleketten 17 mln teńge bólingen. Turǵyndar ony 4 bólip alýda. Qurylysy júrip jatqan úılerdiń qabyrǵalary qalanyp, shatyry jabylyp jatyr. Eki aýylǵa 2 myńǵa jýyq jumysshy jumyldyrylǵan. Áleýmettik nysandar jóndelip, ınfaqurylym qalpyna keltirilýde. Asfalt tóseý jumystary eldi mekendegi turǵyn úılerdiń qurylysynan keıin júrgizilmek.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.