Qazaqstan Respýblıkasynyń Prezıdenti Qasym-Jomart Toqaev Uly Abaıdyń murasyn "Rýhanı jańǵyrýdyń" mańyzdy baǵdaryna aınaldyrý qajettiligine basa nazar aýdaryp, Abaıdyń týǵanyna 175 jyl tolýyna oraı mereıtoıdy toılaý týraly jarlyqqa qol qoıǵan bolatyn. Osy oraıda, Kókshetaýda mańyzy zor, máni máıekti halyqaralyq ǵylymı-praktıkalyq konferensııa ótkizildi, dep habaralıdy Egemen.kz.
Qazaqstan Pedagogıkalyq Ǵylymdar Akademııasynyń korrespondent múshesi, "Y.Altynsarın", "Qurmet" ordenderiniń ıegeri Ahat Nurtas Ahatuly bastaǵan J.Mýsın atyndaǵy Kókshetaý joǵary qazaq pedagogıkalyq kolledji "Abaı murasy jáne qazirgi bilim berý" taqyrybynda halyqaralyq ǵylymı-praktıkalyq konferensııa ótkizýdi keshendi bilim baǵdarlamasyna engizgen bolatyn. Oblystyq bilim basqarmasynyń jumys josparyna, keıin Qazaqstan Respýblıkasy Bilim jáne ǵylym mınıstrliginiń 2020 jylǵa arnalǵan is-sharalar josparyna usynylǵan bastama qoldaý taýyp, mınıstrlik tarapynan kelisimge ıe boldy.
Halyqaralyq ǵylymı-praktıkalyq konferensııa arqyly qazaq halqynyń uly aqyny, sazger, fılosof, aǵartýshy, qazaqtyń jazba ádebıetiniń negizin qalaýshy uly hakimniń mol murasyn, bilim jáne ǵylymǵa, ulttyq qundylyqtarǵa qatysty kózqarastaryn jańa zamannyń talaptaryna saı zerdeleý jáne bolashaq urpaqqa nasıhattaý maqsat etildi. Qazaqstandaǵy jańartylǵan bilim berý mazmunyna baılanysty mektepke deıingi tárbıe jáne oqytý, bastaýysh bilim berý, negizgi bilim berý, tehnıkalyq jáne kásiptik bilim berý máselelerin talqylaý kózdeldi.
Halyqaralyq bilim berý ókilderiniń tikeleı qatysýymen keń formatta jobalanǵan ǵylymı-praktıkalyq konferensııa qazirgi elimizdegi COVID-19 koronavırýs indetine baılanysty qatań karantındik sharalardyń júrgizilýine onlaın rejıminde qashyqtyqtan ótkizildi. ZOOM platformasy arqyly tikeleı beınebaılanys formatynda ótken konferensııany kolledj dırektory Nurtas Ahatuly júrgizip otyrdy. Onlaın-konferensııa Aqmola oblysy ákiminiń orynbasary Malǵajdar Tatkeev, QR Bilim jáne ǵylym mınıstrliginiń Mektepke deıingi jáne orta bilim komıtetiniń tóraıymy Maıra Meldebekova jáne oblystyq bilim basqarmasynyń basshysy Beıbit Júsipovtiń quttyqtaý sózderimen bastaldy. Plenarlyq májiliste L.N.Gýmılev atyndaǵy Eýrazııa ulttyq ýnıversıtetiniń áleýmettik-mádenı damý jónindegi prorektory, fılologııa ǵylymdarynyń doktory, professor, QR Ulttyq ǵylym akademııasynyń akademıgi Dıhan Qamzabekuly, Bashqurtstan Respýblıkasynyń "Sıbaı pedagogıkalyq kolledjiniń" OKBB MM dırektory, pedagogıka ǵylymdarynyń kandıdaty, dosent Ildar Hamıtov, J.Balasaǵun atyndaǵy Qyrǵyz ulttyq ýnıversıtetiniń Kásiptik kolledj dırektory, ekonomıka ǵylymdarynyń kandıdaty, dosent Askar Akmatov, M.Áýezov atyndaǵy pedagogıkalyq kolledj dırektory, fılologııa ǵylymdarynyń kandıdaty, Qazaqstan PǴA korrespondent múshesi Shaǵangúl Janaeva, Sh.Ýálıhanov atyndaǵy Kókshetaý memlekettik ýnıversıtetiniń strategııa jáne ınfraqurylymdy damytý jónindegi prorektory, geologııa-mıneralogııa ǵylymdarynyń kandıdaty, QR Halyqaralyq aqparattandyrý akademııasynyń múshesi, Reseı jaratylystaný akademııasynyń professory Temirhan Jarqynbekov, Qazaqstan Respýblıkasy Pedagogıkalyq Ǵylymdar Akademııasynyń Prezıdenti, pedagogıka ǵylymdarynyń doktory, professor Asqarbek Qusaıynov syndy ǵalymdar qatysty. Plenarlyq májilis sońynda Sıbaı pedagogıkalyq kolledji jáne J.Balasaǵun atyndaǵy Qyrǵyz ulttyq ýnıversıtetiniń Kásiptik kolledjderimen yntymaqtastyq ornatý maqsatynda memorandýmdarǵa qol qoıý rásimi ótti. Bul – bolashaqta J.Mýsın atyndaǵy Kókshetaý joǵary qazaq pedagogıkalyq kolledjiniń halyqaralyq qarym-qatynas júıesin odan ári jetildirý maqsatynda jasalyp otyrǵan ıgi qadam.
Konferensııanyń "Kásiptik bilim berý: tájirıbe jáne perspektıvalary", "Ǵylym, bilim jáne ınnovasııa", "Abaı taǵylymy – adamı qundylyqtar ólshemi" atty seksııalyq jumystarynda Saha Respýblıkasynyń Iаkýtııa medısınalyq kolledji, Altaı Respýblıkasy, Sh.Ýálıhanov atyndaǵy Kókshetaý memlekettik ýnıversıteti jáne respýblıkamyzdyń pedagogıkalyq kolledjderiniń oqytýshylary men stýdentteri baıandama oqyp, tyńdaýshylardyń ystyq yqylasyna ıe boldy.
Jalpy sany 400-ge jýyq qatysýshy qamtylǵan onlaın-konferensııa barysynda uly Abaıdyń rýhanı murasy, bilim jáne ǵylymǵa, ulttyq qundylyqtarǵa qatysty kózqarastary talqylandy. Qazaqstandaǵy jańartylǵan bilim berý mazmunyna baılanysty mektepke deıingi tárbıe jáne oqytý, bastaýysh bilim berý, negizgi bilim berý, tehnıkalyq jáne kásiptik bilim berýdiń ózekti máseleleri taldandy. Elimizdegi qoldanbaly bakalavrıattyń konseptýaldy tásilderi men ustanymdaryn saralaı otyryp, joǵarǵy bilim berý men tehnıkalyq jáne kásiptik bilim berýdiń kásibı baǵdarlamalarynyń ıntegrasııasyn qamtamasyz etetin qoldanbaly bakalavrıat baǵdarlamalaryn engizý joldary qarastyryldy. Bilim berýdiń máseleleri sheteldik bilim júıesimen salystyra talqylanyp, búgingi jaǵdaıdaǵy qashyqtyqtan oqytýdyń basty problemalary zerdelendi.
О́rshigen indetke baılanysty jańasha formatta ótken keleli jıynda dástúrli ánshiler tobynyń «Abaıǵa arnaý» ániniń, "Samǵaý" stýdentterdiń birikken horynyń "Abaıǵa júgin, Adamzat" atty jańa ániniń, "Narkesken" er balalar horynyń oryndaýynda "Abaı-Gımala" ániniń tusaýkeser beınebaıany kórsetildi. Nurtas Ahatulynyń bastamasymen usynylǵan beınebaıan qalyń tyńdarmandarǵa erekshe áser etip, halqymyzdyń uly perzentine degen maqtanysh sezimin oıatyp, júrektiń qylyn shertkendeı boldy.
Buǵan qosa, konferensııa aıasynda kolledjdiń 30 jyldyǵyna arnalǵan "Táýelsizdikpen taǵdyrlas bilim ordasy" atty ensıklopedııalyq-albomdyq kitap pen fılologııa ǵylymdarynyń kandıdaty, Qazaqstan Pedagogıkalyq Ǵylymdar Akademııasynyń korrespondent múshesi Aıan Qajybaıdyń "Sóz qudireti" atty kitaby jaryqqa shyqty. Kókshetaý ólkesiniń kásiptik bilim berýiniń bastaýynda turǵan oqý ornynyń tarıhyna arnalǵan alǵashqy eńbekte kolledjdiń keńestik kezeńi (1920-1955 jj.) jáne qaıta qurylǵan 1990 jyldan bastap qazirgi ýaqytqa deıingi ǵumyry qamtylǵan. Bilim ordasy týraly muraǵat jáne foto qujattardy, oqytýshylar men túlekterdiń estelikterin negizge ala otyryp qurastyrylǵan jınaqta kolledjdiń bilim jáne tárbıe berý erekshelikterine, basqarý qurylymy men jetistikterine úlken mán berilgen. Al, "Sóz qudireti" atty ǵylymı eńbekte qazaq jáne orys tilin teń dárejede meńgergen ádebıetshi-ǵalym, pedagog-ustaz Aıan Tólegenulynyń tańdaýly ǵylymı zertteýleri, ádebı syn oı-tolǵamdary, ǵylymı-kópshilik maqalalary jáne esseleri engen.
Halyqaralyq ǵylymı-praktıkalyq konferensııaǵa "KО́RME-30: Kásiptik-pedagogıkalyq bilimdegi zamanaýı paradıgma" pedagogıkalyq vernısajynyń shaǵyn formaty jasaldy. "Mektepke deıingi bilim berýdiń praktıkalyq alań", "Innovasııalyq tehnologııa ortalyǵy", "Ǵylym. Izdenis. Tájirıbe", "Shyǵarmashylyq erkindik ortalyǵy" atty jumys aımaqtarynan turatyn kórme zamanaýı úlgide ázirlendi.
Ulttyq muramyzdyń bastaýynda turǵan Uly Abaıdyń halyqaralyq deńgeıde nasıhattalýy óskeleń urpaqtyń boıynda iz qaldyrary anyq. Hakimniń izgi muratyn jalǵastyrý – basty mindetimiz!