Túrkistan oblysynyń polıseıleri zańsyz balyq aýlaǵan kezekti brakonerdi qolǵa túsirdi. Bul týraly IIM baspasóz qyzmetine silteme jasaı otyryp Egemen.kz habarlaıdy.
Keles APB-niń kezekshi bólimine jergilikti polısııa qyzmetiniń tabıǵatty qorǵaý polısııasynyń ınspektory Janbolat Saparbaevtan Keles aýdanyna qarasty aýmaqtaǵy Syrdarııa ózeninen zańsyz balyq aýlaǵandar jaıly habarlama túsedi.
Osylaısha oqıǵa ornyna jetken jedel-tergeý tobynyń qyzmetkerleri Keles aýdanynynyń mańyndaǵy Syrdarııa ózeninen elektr toǵy arqyly balyq aýlap júrgen kúdiktini ustaǵanyn anyqtady. Aıǵaqty zattar tárkilenip alynǵan kúdiktiniń Kelestik turǵyn ekeni belgili boldy. Polısııa qyzmetkerleri kúdiktini istiń barlyq mán-jaıyn anyqtaý úshin aýdandyq polısııa bólimine jetkizdi. Brakonerden elektr togyn kúsheıtkish qurylǵy, akkýmýlıator, úrmeli rezeńke qaıyq pen balyqtar tárkilendi.
Qazirgi ýaqytta atalǵan jaıt QR QK-niń 335-baby 1-bóligi (Balyq resýrstaryn, basqa da sý janýarlaryn nemese ósimdikterdi zańsyz aýlaý) boıynsha sotqa deıingi tergeý amaldary júrgizilýde.
Sondyqtan oblystyń polıseıleri árbir balyq aýlaýshy turǵynǵa eskertedi, joǵaryda kórsetilgen baptyń sanksııalary alty myń AEK deıingi mólsherde aıyppul salý nemese sol mólsherde túzeý jumystary, ne úsh jyldan alty jylǵa deıingi merzimge bas bostandyǵyn shekteý, ne múlki tárkilenip, jeti jylǵa deıingi merzimge belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, sol merzimge bas bostandyǵynan aıyrý túrindegi jaza qoldanylady.
Zańsyz balyq aýlaý, sondaı-aq Qyzyl kitapqa engizilgen janýarlar men ósimdikterdi joıý zań aıasynda jaýapqa tartylatynyn da eske salady. Eger de siz osy sekildi qylmystardyń, oqıǵalardyń kýágeri bolsańyz mindetti túrde "102"-ge habar berińiz. Bul óz ýaqytynda polıseılerdiń qylmyskerdi izin sýytpaı ustaýǵa kómegin tıgizedi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.