Atyraý qalasyndaǵy "Isataı-Mahambet" alańynda, "Jeńis" saıabaǵynda, Mahambet atyndaǵy drama teatrynyń mańynda jáne Vokzal mańy yqshamaýdanynda tórt modýldi polısııa beketi bar, - dep habarlaıdy Egemen.kz.
"Bul beketterde patrýldik polısııa batalonynyń qyzmetkerleri eki aýysymmen jumys isteıdi. Bir aýysym ýaqyty – 12 saǵat. Jyl basynan beri bul beketter arqyly alaıaqtyq, qujattar men balalardyń joǵalýy týraly 1500-den astam shaǵym qabyldandy. Kezekshi qyzmetkerler shaqyrtý jáne ózge de sebeppen shyǵyp ketken bolsa, modýldi bekettiń syrtynda dabyl núktesi bar. Sol arqyly dabyl belgisi «102» operatorynyń pýltine túsedi", - deıdi oblystyq polısııa departamentiniń bastyǵy Qamza Úmbetqalıev.
Endi taǵy da 24 modýldi polısııa beketin ornatý kózdelip otyr. Atyraý qalasynyń aýmaǵynda 15, jeti aýdannyń ortalyǵynda 9 beket ornatylady. Al, Jylyoı men Qurmanǵazy aýdandarynyń ortalyǵynda osyndaı eki bekettiń ekeýi bolady.
"Bir ereksheligi, bul beketter QR Ishki ister mınıstrliginiń bazasyna tirkelgen osy zamanǵy kompıýtermen qamtylady. Turǵyndar úshin qolaıly bolatyn ashyq alańdarda ornatylatyn modýldi polısııa beketteri quqyq buzýshylyqty tez anyqtaýǵa, qoǵamdyq tártipti saqtaýǵa yqpal etedi", - deıdi polısııa polkovnıgi Qamza Úmbetqalıev.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.