Saýda jáne ıntegrasııa mınıstri Baqyt Sultanov halyq aldyndaǵy esep berý kezdesýinde tutynýshylardyń kómegimen sapasyz ishki óndiris pen sapasyz qyzmet kórsetýge tyıym salýǵa bolatynyn aıtty, - dep habarlaıdy Egemen.kz.
"Tutynýshylardyń ózderiniń kómegimen ǵana sapasyz ishki óndiris pen sapasyz qyzmet kórsetýge tyıym salýǵa bolady. Qazaqstanda 18 mıllıon tutynýshy bar. Osy 18 mıllıon taýarlar men qyzmetterdiń sapasyn talap etetin baqylaýshy", - dep málimdedi Saýda jáne ıntegrasııa mınıstri Baqyt Sultanov halyq aldyndaǵy eseptik kezdesýi barysynda.
Mınıstr zańnamaǵa engizilgen sońǵy ózgerister naryqtaǵy taýarlar men kórsetiletin qyzmetterdiń sapasyn qoǵamdyq baqylaý quraldaryn keńeıtip qana qoıǵan joq, sondaı-aq, tutynýshylardyń quqyqtaryn qorǵaýdyń tolyqqandy ulttyq júıesin qurýǵa jol ashty dep habarlady.
"Biz shaǵymdardy qaraýdyń úsh satyly júıesin engizdik jáne "bir tereze" qaǵıdaty boıynsha shaǵymdardy qabyldaýdyń biryńǵaı aqparattyq júıesin qurý boıynsha jumys isteýdemiz", - dep naqtylady Mınıstr.
B.Sultanovtyń aıtýynsha, shaǵymdardy qabyldaýdyń biryńǵaı aqparattyq júıesi, sondaı-aq qurylyp jatqan vedomstvoaralyq keńes tutynýshylardyń quqyqtaryn qorǵaý jónindegi barlyq sharalardy bir jerde shoǵyrlandyrýǵa jáne memlekettik organdarmen qabyldanyp jatqan sheshimderdiń tıimdiligine tıisti baqylaý júrgizýdi qamtamasyz etýge múmkindik beredi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.