Elordada jedel járdem kóligi jaıaý júrginshiler kópiriniń tireýine soǵyldy, - dep habarlaıdy Egemen.kz Nur-Sultan qalalyq Polısııa departamentiniń baspasóz qyzmetine silteme jasap.
Atalǵan departament málimetine sáıkes, búgin tańerteń saǵat 08:29-da 1976 jylǵy azamat júrgizip kele jatqan "Hyundai" jedel járdem kóligi shaqyrtýǵa bara jatyp, apatqa ushyraǵan. Arnaıy dybys belgisin qosyp Qonaev kóshesimen Turan dańǵylyna qaraı janama jolmen kele jatqan kólik №1 qarama-qarsy jaıaý júrginshiler kópiriniń tireýine soǵylǵan. Jol-kólik oqıǵasynan zardap shekkender joq.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.