900 orynǵa shaqtalǵan bul ǵımaratqa 1935 jyly salynǵan eski úıde syǵylysyp otyrǵan qalanyń altynshy qazaq mektebi kóshti, dep habarlaıdy Egemen.kz.
300 orynǵa shaqtalyp ashylǵan eski mektep úıi Qyzyljardaǵy alǵashqy qazaq mektebi edi. Onyń qabyrǵasynan Soltústiktiń talaı qyrandary qanat qaqqan. Janynan ınternat ashylyp, onda bir kezde búkil oblystan keletin balalar oqyǵan. Sondyqtan da ol qyzyljarlyq qazaq zııaly qaýymy úshin kózge ystyq, jyly meken. Qazir ondaǵy oqýshylar sany syıymdylyǵynan 3 ese asyp ketken. Osyny eskergen oblys, qala basshylary «Jas órken» dep atalatyn jańa yqsham aýdanǵa salynǵan jańa ǵımaratty osy mektepke berdi.
Esigin aıqara ashyp, oqýshylaryn kútip otyrǵan zamanaýı úlgidegi jańa mektepti búgin oblys ákimi Qumar Aqsaqalov aralap, shákirtter men ustazdarǵa sáttilik tiledi. «Jańa mektepte oqýshylar zamanaýı talaptarǵa saı bilim alyp, elimizdiń belsendi de bilimdi azamattary bolýyna tilektestespiz. Eski mekteptiń tar ekendigin eskerip biz eki jyl buryn jańa ǵımarat salý jóninde sheshim qabyldaǵanbyz. Mine, endi ol óskeleń urpaqqa esigin aıqara ashyp otyr. Bul mektep oqýshylary men ata-analarynyń ǵana emes, barsha Qyzyljar turǵyndarynyń qýanyshy», dedi ol óziniń sózinde.
Jańa ǵımaratta balalaryn oqytýǵa qazirdiń ózinde 970 ata-ana ótinish bildirgen eken. Bul jer qalanyń jańa úlgidegi ásem úıleri salynǵan jańa yqsham aýdany. Osy arada, jańa jyldyń qarsańynda, S.Muqanov atyndaǵy qazaq sazdy-drama teatrynyń jańa ǵımaraty da esigin ashatyn bolady.
Bıyl Soltústik Qazaqstanda mektep tabaldyryǵyn alǵash ret attaıtyn búldirshinder sany 9 myńnan asady. Bul byltyrǵydan 500-ge deıin artyq. Oqýshylar sanynyń óskeni halyq sany óskendiginiń aıǵaǵy ekeni haq. Qazir Qyzyljarda qazaq tilinde oqytatyn on mektep bar. Sonyń ózi óskeleń talapqa saı kelmeı, qazirdiń ózinde azdyq etýde. Qala irgesindegi Beskól aýylynda da bıyl 600 oryndyq qazaq mektebi esigin aıqara ashatyn bolady.
О́ńir basshysy búgin kolledjderde de bolyp, qondyrǵylardy jańartý jumysymen tanysty. M.Jumabaev atyndaǵy kolledjde 3D modeldeý, robototehnıka, veb dızaın kabınetteri ashyldy. Sondaı-aq «Petropavl kásibı kásibı-pedagogıkalyq kolledjinde» avtomashınalardy jóndeý jáne tekserý sehy ashyldy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.