Bireýdi qorqytyp, aqsha talap etken 30 jastaǵy azamat ustaldy. Bul týraly oblystyq polısııa departamenti baspasóz qyzmeti aqparat taratty, dep habarlaıdy Egemen.kz.
"Polısııaǵa aryzdanǵan áıel er adamnyń birneshe ret qorqytyp, aqsha talap etkenin habarlady. Bastapqyda 80 myń, úsh kúnnen soń 70 myń teńge, jalpy somasy 150 myń teńgesin alyp ketken. Osy derekke baılanysty Ekstremızmge qarsy is-qımyl basqarmasynyń qyzmetkerleri kúdiktini anyqtap, ustady. Kúdikti Atyraý qalasynyń 30 jastaǵy turǵyny bolyp shyqty", dep habarlady departamenttiń baspasóz qyzmeti.
Qazir aqsha bopsalaǵan kúdikti ýaqytsha ustaý ızolıatoryna qamaldy. Kúdiktige qatysty sotqa deıingi tergeý júrgizilýde.