Qazaqstan delegasııasy TASSR-diń 100 jyldyq mereıtoıyna arnalǵan sharaǵa qatysýda. Bul týraly QazAqparatqa silteme jasaı otyryp Egemen.kz habarlaıdy.
Aqparat jáne qoǵamdyq damý mınıstri Aıda Balaeva Qazan qalasyna jumys sapary aıasynda Tatarstan Respýblıkasynyń Prezıdenti Rýstam Mınnıhanovpen kezdesti.
R.Mınnıhanov Qazaqstan delegasııasyn: "Qosh keldińiz! Isámesez?", dep qarsy aldy.
Aıda Balaeva Tatar ASSR-diń 100 jyldyǵyna arnalǵan saltanatty is-sharaǵa qatysýǵa shaqyrǵany úshin respýblıka basshylyǵyna alǵysyn bildirip, Qazaqstan men Tatarstan arasyndaǵy qarym-qatynastardyń shynaıy dostyq sıpatyn erekshe atap ótti. Sondaı-aq, búgin Tatarstan Respýblıkasyna jumys sapary aıasynda Aqparat mınıstri Tatarstan Respýblıkasynyń memlekettik keńesshisi Mıntımer Shaımıevpen kezdesý ótkizdi. Budan basqa, sapar barysynda AQDM basshysy" Tatmedıa" respýblıkalyq baspasóz jáne buqaralyq kommýnıkasııalar agenttiginiń basshylyǵymen kezdesedi. Qazaqstan delegasııasy Qazandaǵy tarıhı-mádenı mańyzy bar birqatar nysandardy aralap, Tatar ASSR-niń 100 jyldyǵyn merekeleýge arnalǵan is-sharalarǵa qatysady.