Qostanaı oblysynda medısınalyq mamandyqtarǵa suranys joǵary , dep habarlaıdy Egemen.kz
Bıyl Qostanaı, Rýdnyı, Arqalyq qalalaryndaǵy medısınalyq kolledjderge oqýǵa qabyldanǵandar sany jyldaǵydan eki ese kóp. Mysaly, byltyr Qostanaı joǵarǵy medısınalyq kolledji jergilikti bıýdjettiń qarjylandyrýymen 200, respýblıkalyq bıýdjet esebinen 15 balany oqýǵa qabyldaǵan edi. Bıyl atalmysh oqý oshaǵyna oblystyq bıýdjetten 475, al respýblıka qazynasynan 25 stýdentke oryn berilip otyr.
Maýsymnyń 25-inen bastap qujat qabyldaı bastaǵan Qostanaı medkolledjindegi qabyldaý komıssııasy jumysyn 25-tamyzda aıaqtady. Oqý ornyna bıyl 1576 bala qujat tapsyryp, 475-i irikteý arqyly oqýǵa qabyldanǵan. Olar orta medısınalyq mamandyq sheńberindegi 6 biliktilik boıynsha bilim alatyn bolady. Al respýblıka bıýdjetinen qarjylandyrylatyn 25 stýdent 1 jyl 6 aıdan soń «keńeıtilgen praktıka medbıkesi» biliktiligin alyp shyǵady.
Arqalyq medısınalyq kolledji bıyl jergilikti bıýdjet esebinen 75, kelisim-shart boıynsha 39 abıtýrıentti oqýǵa qabyldady. Kolledj emdeý isi, feldsher biliktiligi boıynsha mamandar daıarlaıdy.