Tarazda probasııa qyzmetkerine para usynýdyń taǵy bir deregi áshkere boldy. Bul týraly Polisia.kz-ke silteme jasaı otyryp Egemen.kz habarlaıdy
30 jastaǵy er adam probasııa qyzmetkerine tártiptik jaýapkershilikke tartpaýy jáne bas bostandyǵynan aıyrýǵa aýystyrý úshin materıaldardy sotqa jibermeýin surap, 40 myń teńge para usynǵan.
– Taraz qalalyq №2 probasııa qyzmetiniń aǵa ınspektory Aıdos Tústikbaevqa para usynǵan azamat qolǵa tústi. Aldyn ala tergeý barysynda ol óz kinásin tolyqtaı moıyndady. Qazirgi tańda oǵan qatysty bultartpaý sharasyn tańdaý jáne qylmystyq isti QIB tártibinde aıaqtaý týraly másele sheshilýde. Aıta keteıik, aldaǵy ýaqytta bul baǵytta jumystar óz jalǵasyn tabady, – dedi Jambyl oblysy boıynsha qylmystyq-atqarý júıesi departamenti bastyǵynyń mindetin atqarýshy Bekbolat Eskeev.
Eske sala keteıik, Jambylda bir kún buryn probasııa qyzmetkerine 20 myń teńge kóleminde para usynǵan azamatsha quryqtalǵan edi.