Konstıtýsııa merekesine oraı túrkistandyq polıseıler marapattaldy, – dep habarlaıdy Egemen.kz Polisia.kz saıtyna silteme jasap.
Túrkistan oblysynyń Polısııa departamenti bastyǵynyń orynbasary Asyljan Qaldarbekov jeke quramdy QR-nyń Konstıtýsııa kúnimen quttyqtap, qyzmetin adal atqaryp júrgen qyzmetkerlerdi marapattady. Tarqatyp aıtar bolsaq, kezekten tys polısııa podpolkovnıgi arnaýly ataǵy birqatar polısııa maıorlary Aıjan Kýlenova, Dosmahanbet Abdramanov pen Erǵalı Ospanovqa, al kezekten tys polısııa maıory arnaýly ataǵy polısııa kapıtany Arnur Sultanqulovqa berildi.
Sonymen qatar “Quqyq tártibin qamtamasyz etýge qosqan úlesi úshin” medalimen polısııa kapıtany Bekjan Doshmanov pen polısııa podpolkovnıgi Mýhamedalı Týrganbaevqa, al II dárejeli “Ishki ister organdarynyń úzdigi” omyraý belgisimen polısııa maıory Qanat Jurqabaevqa tabystaldy. Oǵan qosa QR IIM-niń alǵys hattarymen jeti polısııa qyzmetkeri madaqtaldy.О́z kezeginde qyzmette qyraǵylyqpen kózge túsip, marapattarǵa ıe bolǵan polıseılerge polısııa polkovnıgi Asyljan Qaldarbekov quttyqtaý sózin aıtyp, qyzmetterinde budan da joǵary nátıjelerge qol jetkizetinderine úlken senim bildirdi.