Túrkistan oblysynda polıseıler esirtki satýmen aınalysqan kúdiktilerdi ustady. Bul týraly IIM baspasóz qyzmetine Egemen.kz silteme jasaı otyryp habarlaıdy.
Túrkistan oblysy PD Esirtki qylmysyna qarsy is-qımyl basqarmasynyń qyzmetkerleri Keles APB polıseılerimen birlesip, e sirtki zattaryn zańsyz tasymaldaý men ótkizý jaıtynyń jolyn kesti.
Jedel-izdestirý is-sharasy barysynda polısııa qyzmetkerleri "Kóknardy" ótkizbek bolǵan eki kúdiktini ustady. Olar Keles aýdanynyń turǵyndary bolyp shyqty. Jedel ýákilder kúdiktilerden 1 kg-ǵa jýyq ósimdik tektes esirtki zattaryn tárkiledi.
Qazirgi ýaqytta atalǵan jaıt boıynsha QR QK-niń 297-baby 1-bóligi (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, óńdeý, satyp alý, saqtaý, tasymaldaý, jóneltý nemese ótkizý) boıynsha tirkelip, sotqa deıingi tergeý amaldary júrgizilýde. Kúdiktilerdiń biri qamaýǵa alyndy, ekinshisi qolhatta. Polısııa qyzmetkerleri istiń tolyq mán-jaıyn, onyń ishinde esirtki jetkizý arnalaryn anyqtaýda.
Túrkistan oblysynyń polıseıleri esirtkini zańsyz saqtaǵany, tasymaldaǵany jáne satqany úshin osy baptyń sanksııalary on jylǵa deıin múlkin tárkilep, bas bostandyǵynan aıyrýdy kózdeıtinin eske salady. О́z kezeginde tártip saqshylary azamattardy zııandy ádetterden bas tartýǵa jáne salaýatty ómir saltyn ustanýǵa shaqyrady.