Bıyl jyl sońyna deıin Túrkistan qalasynda 15 nysannyń qurylysy aıaqtalyp, paıdalanýǵa beriledi dep kútilýde. Oblys ákimi О́mirzaq Shókeev ákimshilik-iskerlik ortalyǵynda boı kótergen jańa nysandardy aralap, qurylys barysyn baqylady. Aımaq basshysy aralap kórgen Kongress ortalyǵy, Oqýshylar saraıy, stadıonnyń qurylys jumystary aıaqtalýǵa jaqyn. Jıhazdary qoıylyp, abattandyrý jáne gazondy tolyqtyrý jumystary júrgizilip jatyr. Bul týraly Egemen.kz oblys ákimdiginiń baspasóz qyzmetine silteme jasap habarlaıdy.
Rýhanı-mádenı ortalyǵyndaǵy 4 nysannyń da qurylys jumystary aıaqtalýǵa jaqyn. Drama teatrda búgingi tańda syrtqy jáne ishki árleý, ınjenerlik jelilerin montajdaý jumystary júrgizilýde. Qurylys jumystaryna 150 adam jumyldyrylǵan. Mádenı oshaqtyń jıhazdary jasaqtalyp, zamanaýı teatrlyq quraldary ornatylady.
Al, Uly dala eli ortalyǵy men Q.A.Iаssaýı murajaıynda syrtqy qas betin qaptaý, ınjenerlik júıeler, ishki árleý jumystary júrgizilýde. Sondaı-aq, ǵylymı-ámbebap kitaphanasynda syrtqy ramalaryn ornatý, temir konstrýksııasyn montajdaý jáne betondaý jumystary, vıtrajdar ornatý men ishki árleý jumystary júrgizilýde. Munda 50 adam jumyspen qamtylyp otyr.
О́ńir basshysy О́mirzaq Shókeev qurylys basynda jaýapty basshylarǵa jumysty kestege saı aıaqtap, ǵımarattardy tezdetip paıdalanýǵa berýdi tapsyrdy. Jalpy, Túrkistan oblysy boıynsha qurylys jumystaryna 9000-nan astam adam jumyldyrylǵan. Qurylys alańyna aınalǵan Túrkistan qalasynda 4000-nan astam qurylysshy eńbektenýde. Jumysshylardyń barlyq eńbek jaǵdaıy men saqtyq sharalary qatań qadaǵalanǵan.