Velosporttan áıgili «Týr de Frans» dodasynyń altynshy kezeńinde «Astana» komandasy men Qazaqstan quramasynyń sportshysy Alekseı Lýsenko jeńiske jetti.
Bul kezeńde sportshylar Le Teı men Egýal arasy, jalpy 191 shaqyrymdy júrip ótti. Qazaqstandyq Alekseı Lýsenko qarsylastarynan qara úzip, márege birinshi bolyp jetti. Ol jarys kezinde pelotonnan alty mınýtqa ozyp ketti. Márege jaqyn tusta Lýsenko men negizgi toptyń arasy úsh mınýtty qurady.
Degenmen «Astananyń» burynǵy veloshabandozy Fabıo Arý (UAE Team Emirates) men Hesýs Errada (Cofidis) bizdiń sportshyǵa aıtarlyqtaı qarsylyq kórsetken. Alaıda jarys jolynyń aıaqtalýyna on shaqyrym qalǵanda Arýdan qaýqar ketti. Al Errada sońyna deıin kúreskenimen, Lýsenko qarsylasynan oq boıy ozyp, márege birinshi bolyp keldi.