Qytaı Aýyl sharýashylyǵy salasyndaǵy jobalardy iske asyrýǵa arnalǵan Gaofen-11 qashyqtan zondtaý optıkalyq spýtnıgin orbıtaǵa sátti ushyrdy. Bul týraly Egemen.kz Qytaıdyń aeroǵarysh ǵylymy men tehnıkasy korporasııasyna silteme jasap habarlaıdy.
Spýtnık jergilikti ýaqyt boıynsha 13:57-de Soltústik Shansı provınsııasyndaǵy Taııýan ǵarysh aılaǵynan CZ-4B zymyranynyń kómegimen ushyrylǵan.
Gaofen-11 QHR Aýyl sharýashylyǵy mınıstrliginiń tapsyrysymen jasalǵan. Ol kún-sınhrondy orbıtada 500 km bıiktikte bolady. Bul spýtnıkterdiń tıisti tobyndaǵy ekinshi ushý apparaty. Olar agrarlyq saladan basqa, qalalyq josparlaý, jol salý jáne dúleı zilzalalardyń saldaryn azaıtý jáne joıý jónindegi operasııalardy júrgizý qajettilikterine arnalǵan. Bul spýtnıktik derekterdi "Bir beldeý - bir jol" bastamasyna qatysýshy elder de ala alady.
Qytaı meteorologııalyq, telekommýnıkasııalyq jáne navıgasııalyq spýtnıkterdi, sondaı-aq Aıdy ıgerý tehnologııalaryn ázirleı otyryp, Ulttyq ǵarysh baǵdarlamasyn belsendi damytýda. Tamyz aıynyń basynda QHR ǵalymdary Marsty zertteý boıynsha alǵashqy ulttyq jobany iske qosqan edi. Olar onyń betin qarqyndy zertteýge jaqyn arada kirisýge nıetti.