Úkimet basshysy Asqar Mamın óńir ákimderine indettiń jańa tolqynyna daıyndyq jumystaryn jalǵastyrýdy tapsyrdy, dep habarlaıdy Egemen.kz.
"Álemdegi epıdemııanyń turaqsyzdyǵyn eskersek, vırýstyń qaıtadan órshýine daıyn bolýymyz kerek. Keıbir shekteý sharalaryn jalǵastyrý qajet", dedi Asqar Mamın.
Osy oraıda Úkimet basshysy óńir ákimderine birqatar mindet júktedi.
"О́ńirlerdiń ákimderi epıdemııalyq jaǵdaıdy erekshe baqylaýda ustasyn, barlyq sanıtarııalyq normalardy qatań saqtasyn. Vırýstyń taralýy men aýrý juqtyrý kórsetkishteriniń ózgerýine qaraı jedel ári naqty áreket etsin. Infraqurylymdy daıyndaý sharalaryn qabyldasyn jáne barlyq satydaǵy medısına jumyskerleriniń qaýipsizdigin qamtamasyz etsin", dedi ol.
Sondaı-aq ol Densaýlyq saqtaý mınıstrligine múddeli memlekettik organdarmen birge halyq arasynda profılaktıkalyq jumysty kúsheıtýdi tapsyrdy. Sıfrlyq damý mınıstrligi Densaýlyq saqtaý, Aqparat mınıstrlikterimen birge halyq arasynda aqparattyq-túsindirý jumysyn júrgizetin boldy.