Kún saıyn Fransııada 4 myńnan 9 myńǵa deıin koronavırýs juqtyrý deregi tirkelip keledi, dep habarlaıdy Egemen.kz Habar 24-ke silteme jasap.
Sanıtarlyq qyzmetter ár oqıǵany tergep, naýqastarmen baılanysta bolǵandardy testilep, oqshaýlandyrady. El premer-mınıstri Jan Kasteks te olardyń qataryna iligip qaldy. О́tken senbide ol "Týr de Frans" dırektory Krıstıan Prıýdommen bir avtokólikke mingen edi. Al birneshe kún ótisimen velosaıys jetekshisi vırýsqa shaldyqqany anyqtaldy. Fransııa premer-mınıstri birden óz erkimen karantınge jatatynyn málimdedi. Onyń alǵashqy tapsyrǵan testi aýrý juqpaǵanyn kórsetti.
Degenmen, ekinshi test tapsyrǵanǵa deıin Jan Kasteks birneshe kún qashyqtan jumys isteıtin boldy. Al ózge mınıstrler shuǵyl túrde tekserýden ótýi tıis. Tipti Prezıdent Makronnyń da test tapsyrýyna týra keledi.
Emmanıýel Makron, Fransııa Prezıdenti: "Naýqaspen baılanysta bolsaq, biz hattama sharttaryn oryndaımyz. Eger vırýs juqqany anyqtalsa, onymen qatynasta bolǵandar oqshaýlanyp, test tapsyrýy tıis. Al aýrýdan aman bolsa, qaýipsizdik sharalaryn saqtap, qalypty jumysyna oralady. Premer-mınıstr hattama sharttaryn oryndady, biz de azamattarymyzǵa qoıylǵan erejelerge baǵynamyz", deıdi ol.