QR QK BSh Uıymdastyrý-jumyldyrý jumystary departamentiniń bastyǵy Sáken Júsipov bıyl kúzde 17 myńnan astam azamat áskerge shaqyrylatynyn aıtty, dep habarlaıdy Egemen.kz.
"Azamattardy kúzgi áskerge shaqyrý bastaldy. Jergilikti atqarýshy organdar qurǵan medısınalyq jáne áskerge shaqyrý komıssııalary óz jumystaryna kiristi. Qyrkúıekten jeltoqsanǵa deıingi aralyqta Qarýly Kúshter, basqa da áskerler men áskerı quralymdar qataryna 17 myńnan astam, 18-den 27 jasqa deıingi er azamattardy áskerge shaqyrý josparlanyp otyr. Áskerge shaqyrý jáne belgilengen merzimdi ótkergen merzimdi qyzmet áskerı qyzmetshilerin zapasqa shyǵarý kezinde qoldanystaǵy zań basshylyqqa alynady", dedi Sáken Júsipov.
"Áskerı qyzmet jáne áskerı qyzmetshilerdiń mártebesi týraly" Zańnyń 27-baby úshinshi tarmaǵyna sáıkes azamattardy áskerge shaqyrýdy jergilikti atqarýshy organdar uıymdastyrady.