Jyl sońyna deıin Almaty oblysynda 4,2 mıllıard teńge somasynda 27 týrızm nysanynyń qurylysyn aıaqtaý josparlanýda, dep habarlaıdy Egemen.kz Almaty oblysynyń baspasóz qyzmetine silteme jasap.
Jalpy quny 1 081 mıllıon teńge somasyna jeke ınvestısııalardy tartý arqyly 14 týrıstik ınfraqurylym nysandary paıdalanýǵa berildi. Oblystyq týrızm basqarmasynyń málimetterine súıensek, 2020 jyldyń birinshi jartyjyldyǵynyń qorytyndysy boıynsha oblysta týrısterdi qabyldaýǵa arnalǵan 795 nysan jumys isteıdi. О́tken jyldyń tıisti kezeńimen salystyrǵanda bıylǵy ósim 4% jetken.
Bıyl oblysta 4,2 mıllıard teńgege 27 týrıstik nysannyń qurylysyn aıaqtaý josparlanýda. Jeke ınvestısııalardy tarta otyryp, 1 081 mıllıon teńge somasyna týrızm ınfraqurylymynyń 14 nysany paıdalanýǵa berildi. Ol Jambyl aýdanyndaǵy 1 nysan, Alakóldiń jaǵalaýynda týrısterdi qabyldaýǵa arnalǵan 13 nysan. Atalǵan nysandardan túsken jeke ınvestısııalar somasy 1061 mıllıon teńge. Ornalastyrý oryndarymen qyzmet kórsetilgen kelýshiler sany 421,9 myń adamdy qurady. Bul nemese ótken jylmen salystyrǵanda 54%-ǵa kóp. Aqyly týrıstik-saýyqtyrý qyzmetteri 3621 mıllıon teńge somasynda kórsetilgen. О́tken jylmen salystyrǵanda 63%-ǵa artqan.
Sonymen qatar, Talǵar taý klasteri aýmaǵynda "Aport" jáne "Aq bulaq" taýly kýrorttaryn, "Eńbekshiqazaqta "Túrgen" jáne Raıymbek aýdandarynda "Park kanony" oıyn-saýyq keshenderin salý boıynsha uzaq merzimdi iri ınvestısııalyq jobalardy iske asyrý jumysy júrgizilýde. Jalpy somasy 542,7 mıllıard teńge jeke ınvestısııa tartý kózdelgen. Sonymen birge, Alakól kóliniń jaǵasynda quny 4 mıllıard teńgeni quraıtyn Alakol Apartments jazǵy amfıteatry bar kottedj qalashyǵynyń jobasyn iske asyrý josparlanýda.
Qazir pandemııa jaǵdaıynda barlyq aımaqtyq týrıstik nysandar júktemeniń 80%-yn saqtaıtynyn jáne barlyq qajetti sanıtarlyq-epıdemııalyq standarttar men talaptardy qatań qadaǵalaıtynyn atap ótkenimiz jón.