Jyl saıyn IIM TJK "Qazseldenqorǵaý" MM mamandary muzdaq kólderdi bosatý boıynsha aldyn alý is-sharalaryn jáne muzdaq kólderdiń evakýasııalaý arnalarynda (Ile jáne Kúngeı Alataý jotasynyń Úlken, Kishi Almaty, Qarǵaly, Aqsaı, Talǵar, Esik, Qaskeleń ózenderiniń basseınderinde; Jetisý Alataý jotasynyń Qorǵas, Sarqan, Bıen ózenderinde) aǵymdaǵy jóndeý qalpyna keltirý jumystaryn júrgizedi, dep habarlaıdy Egemen.kz Tótenshe jaǵdaılar mınıstrligine silteme jasap.
Aldyn alý jumystary evakýasııalaý arnalaryn keńeıtý jáne tereńdetý, sondaı-aq dıametri 200-den 300 mm-ge deıingi sıfondardy ornatý jáne iske qosý úshin arnaıy shaǵyn kólemdi tehnıkany paıdalana otyryp, qolmen de, jarý tásilimen de júrgiziledi.
Aǵymdaǵy jyldyń maýsym aıynan bastap Almaty qalasy men Almaty oblysynyń aýmaǵynda 17 asa serpindi qaýipti muzdaq kólderde jumystar júrgizilýde, onyń ishinde 15 kólde (Aqsý ózeniniń basseınderinde №49, №50, №18 Búıen kóli, №19 Talǵar kóli, Sarqan kóli, Aqkól kóli, Kishi Almaty kóli №6, Úlken Almaty kóli №10, №13, Aqsaı kóli №8, №9, №10, Qorǵas kóli №2 Qapqan, Esik kóli №22,№23, Qaskeleń kóli № 15) kólemderdi tómendetý boıynsha jumystar aıaqtaldy, 2 kólde jumystar jalǵasýda.
Aǵymdaǵy jyly jaǵdaıdy baǵalaý úshin Qazseldenqorǵaý, TJD jáne jergilikti atqarýshy organdardyń mamandary Ile, Kúngeı, Jetisý, Qyrǵyz jáne Talas Alataý, Tarbaǵataı, Turǵysyn jotalarynyń basseınderi boıynsha 1 703 jerústi qaýipti ýchaskege tekserý jáne 24 aerovızýaldy tekserý júrgizdi.
Gıdrometeorologııalyq jaǵdaıdy baǵalaýdy jáne taý ózenderin baqylaýdy Qazseldenqorǵaýdyń 112 beketi men 29 dıspetcherlik pýnkti qamtamasyz etedi.
О́zender men avtojoldar arnalarynyń qaýipti ýchaskelerinde 285 aqparattyq qalqan jáne eskertý belgileri qoıylǵan.
Quramynda 115 adam jáne 64 birlik Qazseldenqorǵaý tehnıkasy bar 12 avarııalyq-mehanıkalandyrylǵan brıgada quryldy.