Mańǵystaý oblysynyń Ekonomıka jáne bıýdjettik josparlaý basqarmasynyń basshysy Marına Álbekova karantındik shekteý sharalaryn saqtamaı, tıisti talaptardy buzǵany úshin ákimshilik jaýapkershilikke tartyldy, dep habarlaıdy Egemen.kz
Mańǵystaý oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamenti habarlaǵandaı, úı aýlasynda jappaı is-shara ótkizý faktisi anyqtalǵan. Laýazymdy tulǵa túsinikteme berý úshin departamentke shaqyrylyp, ákimshilik quqyq buzý kodeksiniń 425-baby boıynsha ákimshilik jaýapkershilikke tartyldy.
Sonymen birge Marına Álbekovanyń týǵan kúndegi vıdeosy áleýmettik jelilerde tarap ketken. QR Ákimshilik quqyq buzý kodeksiniń 425-baby 1-bóliginiń sanksııasyna sáıkes talapty buzǵan laýazymdy tulǵalarǵa 230 AEK nemese 638 940 teńge kóleminde aıyppul salynýy tıis. Mańǵystaý oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti oblys ákimdigi men memlekettik qyzmet isteri departamentine tıisti hat joldandy.