Mádenıet jáne sport mınıstrliginiń Til saıasaty komıteti Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń uıymdastyrýymen Qazaq tili álipbıin latyn grafıkasyna kóshirý jónindegi ulttyq komıssııa janyndaǵy Termınologııalyq jumys tobynyń «Termınologııany birizdendirýdiń krıterııleri men prınsıpteri» ádistemelik nusqaýlyq jobasyn talqylaý» taqyrybynda onlaın otyrysy ótti, dep habarlaıdy Egemen.kz.
Onlaın otyrystyń kózdegen maqsaty qazaq tili álipbıin latyn grafıkasyna kóshirý kezeńinde termınologııany birizdendirýdiń ǵylymı-ádistemelik negizderin aıqyndaý bolatyn. Basqosýda Qazaq tili álipbıin latyn grafıkasyna kóshirý jónindegi ulttyq komıssııa janyndaǵy Termınologııalyq jumys toby fılologııa ǵylymdarynyń doktory, QR UǴA-nyń akademıgi Sh.Qurmanbaıuly ázirlegen «Termınologııany birizdendirýdiń krıterııleri men prınsıpteri» ádistemelik nusqaýlyq jobasy talqylandy.
Sharaǵa tóraǵalyq jasaǵan Qazaqstan Respýblıkasy Mádenıet jáne sport mınıstrligi Til saıasaty komıtetiniń tóraǵasy Ádilbek Qaba kún tártibindegi máseleniń mańyzyna toqtalyp ótti: «Namazǵa jyǵylar adamǵa kómek úshin «Muhtasar ǵylymhal» degen juqa kitap bolýshy edi, sol sekildi qoldanbaly termınologııanyń ózegi tárizdi biz talqylap otyrǵan eńbek salaǵa kiriser ár adamnyń ústelinde jatýy tıis dep oılaımyn. Barlyq nárseniń bastaýy bolady. Sol sebepti búgingi bas qosýymyzdy budan burynǵy talqylaýlarymyzdyń zańdy sabaqtastyǵy dep qarastyrǵan durys. Bul týraly jaqynda jaryq kórgen maqalamda aıttym. Termın jandy organızm. Sáttisi de, sátsizi de kezdesedi. Sondyqtan, olarǵa árdáıim monıtorıng júrgizip, halyq qulaǵyna sińbegen termınderden arylyp otyrýymyz kerek. Termınniń tek maquldanyp, bekitilmeýi de batyl aınalysqa engizýge kedergi keltiredi. Bolashaqta bul máseleni Úkimet deńgeıinde sheshý joldaryn qarastyramyz».
Ádistemelik nusqaýlyq jobasynda ulttyq termınqordy retke keltirip, jetildirilgen termınjúıe qalyptastyrý barysynda termınologııany birizdendirýdiń alatyn orny men júzege asýynyń ret-tártibi kórsetilgen.
Avtor: «О́kinishke qaraı, táýelsizdikke qol jetkizgennen keıin de qazaq tilin ǵylym men jańa tehnologııa, zań shyǵarý men qarjy-ekonomıka tiline aınaldyrýǵa baǵyttalǵan batyl qadam, túbegeıli betburys jasalmady ...Aınalyp kelgende, ult tiliniń ǵylym salasyndaǵy qoldanysy, ult tilindegi termınder qorynyń mol jasalý men qalyptasýy, júıelenýi osy mamandarǵa táýeldi» dep atap kórsetti.
Eńbekte odan ári termınologııany birizdendirý barysynda neni eskerip, qandaı máselelerge mán berý qajettiligi meılinshe naqty baıandalady, termınologııany birizdendirý jumysynyń maqsat-mindetteri, saty-saty boıynsha qalaı júzege asatyny ǵylymı-ádistemelik turǵydan negizdelip kórsetiledi.
Atalǵan otyrysta Termınologııalyq jumys tobynyń músheleri: fılologııa ǵylymdarynyń doktory S.Isaqova, fılologııa ǵylymdarynyń kandıdaty S.Qulmanov nusqaýlyq jobaǵa jan-jaqty tereń saraptama jasady.
Is-shara barysynda saraptaý máselesi jan-jaqty sóz bolyp, suraq-jaýap túrinde óz jalǵasyn tapty. Termınologııalyq jumys toby músheleri ZOOM platformasy arqyly óz pikirin qyzý bildirip otyrdy.