Atyraý, Mańǵystaý jáne Aqtóbe oblystarynda shartty qarýly qaqtyǵystar kezeńinde baılanys júıesin óristete otyryp, "Batys" óńirlik qolbasshylyǵynyń áskerı baılanysshylarynyń oqý-jattyǵýlary ótkizilýde, dep habarlaıdy Egemen.kz
Atalmysh oqý-jattyǵýlarǵa 30-dan astam áskerı tehnıka men 200-ge jýyq áskerı qyzmetshi tartylǵan.
"Oqý-jattyǵý barysynda biz baılanys bólimsheleriniń áskerı baılanys júıesin qurý, óristetý jáne paıdalaný jónindegi naqty múmkindikterin baǵalaı alamyz. Áskerı qyzmetshiler óz is – áreketteri men mindetterin tájirıbede taǵy da pysyqtaıdy. Bul kezeńde baılanysshylar dalalyq jáne stasıonarlyq basqarý pýnktteri men áskerı bólimderdegi abonentter arasynda ártúrli radıo jáne spýtnıktik taratqyshtardy qoldana otyryp, turaqty qorǵalǵan baılanysty sátti uıymdastyrdy", dep atap ótti "Batys" óńirlik qolbasshylyǵynyń Baılanys áskerleriniń bastyǵy podpolkovnık Iýrıı Korolev.
Budan bólek, mamandar qysqa tolqyndy jáne ýltraqysqa tolqyndy radıostansııalarda baılanysty uıymdastyrý jáne beınekonferensııa baılanysyn basqarý pýnktterin qamtamasyz etý boıynsha normatıvterdi tapsyrdy.
Oqý-jattyǵýlar naqty ýaqyt aýqymynda, shartty qarýly qaqtyǵystar jaǵdaıynda ótedi. Bul bólimshelerdiń belgilengen merzimde mindetterdi oryndaýǵa jaýyngerlik ázirliginiń naqty jaı-kúıin baǵalaýǵa múmkindik beredi.
Osy jazda baılanys bólimshelerin tolyqtyrǵan jas ofıserler úshin praktıkalyq is-sharalar kásibı deńgeıdi arttyrýǵa arnalǵan emtıhan boldy.