Qazirgi tańda Almaty qalasynyń emhanalarynda ońaltý bólimsheleri qurylyp, jumysqa kiristi, dep habarlaıdy Egemen.kz.
"Ońaltý – bul adam densaýlyǵyna baılanysty, hırýrgııalyq operasııadan keıin, onyń ishinde sozylmaly aýrýlar, jaraqattar jáne t.b. saldarynan kúndelikti ómirde fýnksıonaldyq shekteýlerge tap bolǵan nemese múmkin bolǵan jaǵdaıda, birtindep qalpyna keltirýdiń qajetti is-sharalar kesheni. Bizdiń Ortalyq barlyq jastaǵy adamdarǵa kúndelikti qyzmetin toqtatpaı nemese qaıta bastaýǵa múmkindik beretin ońaltý qyzmetterin usynady. Bizde myqty kásibı komanda bar, onyń maqsaty zaqymdalǵan fýnksııalardy barynsha qalpyna keltirý bolyp tabylady. Qazirgi ýaqytta koronavırýspen aýyryp shyqqan naýqastarǵa ońaltýdy júrgizip jatyrmyz", deıdi №4 Qalalyq emhananyń bas dárigeri Zýhra Ýmarova.
COVID-19 pandemııasyna baılanysty qazirgi ýaqytta naýqastarǵa: ottegi terapııasy, arnaıy drenajdy massaj, tynys alý gımnastıkasynyń belgili bir ádisteri, fızıoterapııa jattyǵýlary ońaltý úshin belsendi túrde júrgizilýde. Onyń ishinde psıhologııalyq jáne áleýmettik beıimdelý de bar. Mamandar tynys alýmen ǵana emes, búkil aǵzamen, tutas júıe retinde jumys isteıdi, ıntegraldy júıemen birge, bronh-ókpe júıesi ǵana emes, sonymen qatar júrek-tamyr jáne júıke júıesi de zardap shegedi, óıtkeni mı qan aınalymynyń sozylmaly buzylýy oryn alady.
Bólimshede ońaltýdyń úshinshi kezeńine jatatyn naýqastar da emdeý kýrsynan óte alady. Bul kýrstan tirek-qımyl júıesiniń patologııasy bar (jaraqattardan, hırýrgııalyq aralasýlardan, synyqtardan, julyn baǵannyń damý aqaýlarynan keıin), neırohırýrgııalyq jáne nevrologııalyq profılder, sondaı-aq júrek-qantamyr júıesiniń patologııasy barnaýqastar(jedel mıokard ınfarktisi) ótedi. Medısınalyq ońaltý bólimshesinde 3 kezeńde ambýlatorııalyq ońaltý: kardıologııa, nevrologııa jáne neırohırýrgııa, travmatologııa, ortopedııa boıynsha júrgiziledi.Onyń ishinde ortalyq júıke júıesiniń perınataldy zaqymdanýynyń saldary bar balalarǵa qyzmet kórsetiledi.
Máselen, qazirgi kúnderi J.Dilmaǵambetov Almatydaǵy N4 Qalalyq emhana janyndaǵy Ońaltý ortalyǵynda ambýlatorııalyq reabılıtasııanyń 3 kezeńinen ótip jatyr.
"Ol mı qan aınalymynyń jiti buzylýyna ushyraǵan. Munda óte saýatty mamandar jumys isteıdi, máseleni muqııat zertteıdi, aýrýdyń barysyn anyqtaıdy, ár naýqasqa árqashan meıirimdi, janashyr jáne shydamdy keledi. Eń bastysy –ózińizdi aıamaý jáne barlyq usynystardy oryndaý, sodan keıin nátıjeler jaqsy bolady. Roksana, Aısulý Amangeldiqyzyna kásibı keńesteri men jyly sózderi úshin alǵysymdy bildiremin. Ortalyqtyń barlyq ujymyna densaýlyq jáne jumystaryna sáttilik tileımin!", deıdi Jetkerbaı Qarasaıuly.
Naýqastar MÁMS jáne ambýlatorııalyq-emhanalyq kómek aıasynda jergilikti jalpy tájirıbe dárigeriniń joldamasy boıynsha qabyldanady. Almaty qalasy Qoǵamdyq densaýlyq basqarmasynyń qoldaýymen mamandar Germanııa men Latvııada bilim aldy. Medısınalyq ońaltý dárigeri, dáriger-refleksoterapevt Qytaıda bilim alyp kelgen.