Buıyrmaǵan qazy

Uzaq jyldar boıy Qostanaı oblysy Amangeldi aýdanynda esep salasynda qyzmet atqarǵan. Kókemniń taǵy bir qasıeti – aqyndyǵy. О́leńderi aýdandyq, oblystyq gazetterde jarııalanǵan. Aragidik respýblıkalyq basylymda da jaryq kórgen. 1987 jyly «Jazýshy» baspasynan «Batyrdyń urpaqtary» atty jyr jınaǵy shyqqan.

Kókem el tarıhyna da jetik áńgimeshil qarııa edi. Torǵaı jerinde ótken aıtýly tulǵalar men olarǵa qatysty oqıǵalardy maıyn tamyzyp aıtatyn. Belgili jýrnalıst Maqsutbek Súleımenov «Ábdiǵapar han» atty kitabynda áıgili ámir týraly kóptegen tyń derek bergen kókeme rızashylyǵyn bildirgen.

Sondaı-aq ol kisi biz­diń elden shyqqan aqyn-ja­zýshy­larmen óte jaqsy aralas­ty. Ataqty aqyndar – Syrbaı Máý­lenov, Ǵafý Qaıyr­be­kovpen tonnyń ishki baýyndaı jaqyn boldy. Sonymen birge Qoǵabaı Sárseke, Seıit Kenjeahmet, Serik Turǵynbek, Serikbaı Ospanov, Baqytkereı Ysqaq, Qonysbaı Ábil sekildi qalamger inileri kókemniń shańyraǵynda talaı márte qonaq bolǵan. Bir jyly aýdan ortalyǵyna Seıit aǵa eski kóligimen kelse kerek. Kókem sony kórip: «Seıitjan, seniń el ishinde atyń bar ǵoı, mynadaı saldyrlaǵan kólik minip júrgen saǵan jaraspaıdy», dep mashınasyn jóndeýge kirgizip, salonnan shyqqandaı jańartyp beripti.

Toqsanynshy jyldardyń basynda ortanshy tátem Al­ma­ty­daǵy Qazaq qyzdar pedago­gıkalyq ınstıtýtynda oqydy. Oqyp júrip turmysqa shyqty. Jezdem – kórshi Jangeldın aýda­nynan. Ekeýi de stýdent. Keıde jezdem men tátem demalysqa kelgende kókem Syraǵańa «eldiń dámi» dep sálemdeme berip jiberedi. 1993 jyly aqpan aıynda ekeýi de qysqy semestrin tapsyryp, kanıkýlǵa kelgen edi. Aýyldan keterinde kókem olarǵa: «Syrbaıǵa aparyp berińder» dep unǵa salyp saqtaǵan qazy beredi. Arqalyqtan Almatyǵa poıyz eki kún júrip barady. Olar poıyzdan túskende Syrbaı Máýlenovtiń qaıtys bolǵany týraly sýyq habardy estıdi. Kelesi kúni kókemniń ózi oblystyq dele­gasııa quramymen ushyp kelip, ardaqty aqyndy aqtyq saparǵa shyǵaryp salady. Al «súrlengen qazyny ózimiz asyp jedik», deıdi jezdem kúlip.