Memleket basshysy Almatyǵa jasaǵan jumys sapary aıasynda qalanyń Indýstrııalyq aımaǵynda ornalasqan energııa únemdeıtin, sáýlettik qasbetter zaýytynyń jumysymen tanysty, dep habarlaıdy Egemen.kz Aqordaǵa silteme jasap.
Prezıdentke kásiporynnyń ónimderi tanystyrylyp, qurylys materıaldary óndirisiniń tehnologııalyq prosesi kórsetildi. Munda 250-den astam adam jumys isteıdi. Kompanııanyń jobaǵa salǵan jeke ınvestısııasy 3,8 mıllıard teńge. Zaýyttyń qýattylyǵy jylyna 475 myń sharshy metr shynypaket shyǵarýǵa jetedi.
Sondaı-aq Memleket basshysyna Almaty ındýstrııalyq aımaǵynyń jaǵdaıy men damý perspektıvalary týraly aıtyldy. Munda jyl aıaǵyna deıin quny 85 mıllıard teńge bolatyn 10 jobany júzege asyrý josparlanyp otyr.