Soltústik Qazaqstan oblysynyń shendi polıseıleri zańsyzdyqtar jasaýdan aldaryna jan salar emes. Olardyń ishteı básekege, jarysqa túskendeı keıip tanytatyn soraqy is-áreketterine qarap, «áı der ajanyń, qoı der qojanyń» tabylmaı turǵany qynjyltady.
Soltústik Qazaqstan oblysynyń shendi polıseıleri zańsyzdyqtar jasaýdan aldaryna jan salar emes. Olardyń ishteı básekege, jarysqa túskendeı keıip tanytatyn soraqy is-áreketterine qarap, «áı der ajanyń, qoı der qojanyń» tabylmaı turǵany qynjyltady.
Aralarynda ishimdikke yqylyq ata toıyp alyp, aldyn aıpar, janyn jaıpar «janalǵyshtary» da joq emes. Solardyń biri ishki ister departamentiniń basqarma basshysy V.Z.-nyń basbuzar áreketi Gınnestiń rekordtar kitabyna enip qalýy ǵajap emes.
Shendi polıseı jeńil kólikpen júıtkigen kúıi birneshe kólikti qaǵyp ótip, aıaldamada turǵan avtobýsty aýdaryp jibere jazdaǵan. Ondaǵy bir jolaýshy jaraqat alǵan. Qatty soqtyǵystan esirik atqan neme esin jıǵan bolý kerek, oqıǵa ornynan iz jasyrýǵa árekettengen. Alaıda, tili kúrmelip, sóıleýge shamasy múldem kelmegen ony kýágerler tyrp etkizbegen.
Qyzmette erekshe kózge túsip, polkovnık shenin merziminen buryn alǵan ýdaı mas polıseıdiń bulaısha taırańdaýy kúsh qurylymdary arasynda tártip pen talaptyń tómendiginde jatsa kerek.
О́mir ESQALI,
«Egemen Qazaqstan».
Soltústik Qazaqstan oblysy.