Elimizdiń úsh qalasynda 5G qashan qosylatyny belgili boldy, dep habarlaıdy Egemen.kz
Búgin Úkimet otyrysynda Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın 5G jelisi elimizdiń iri úsh qalasynda qosylatynyn málimdedi.
Baǵdat Mýsınniń aıtýynsha, 5G uıaly baılanys standartyn engizý boıynsha Nur-Sultan, Almaty jáne Shymkent qalalarynda 11 testik synaq júrgizilgen.
Sondaı-aq ol tıisti jıilik dıapazondary bosatylyp, ári qaraı operatorlarǵa taratý mehanızmi qarastyrylǵanyn tilge tıek etti.
Osyǵan sáıkes Nur-Sultan, Almaty, Shymkent qalalarynda 5G jelileri 2022 jyly iske qosylady. Al oblystyq ortalyqtarda 2025 jylǵa deıin josparlanyp otyr.
Eske sala keteıik, búgingi Úkimet otyrysynda Asqar Mamın jyl sońyna deıin aýyl halqynyń 99%-yna keń jolaqty ınternet qoljetimdi bolatynyn habarlaǵan edi.