Qazaqstan Parlamenti Senatynyń birqatar depýtattary Qyrǵyz Respýblıkasy Jogorký Keneshi depýtattarynyń 2020 jyldyń 4 qazanyna belgilengen saılaýyn baıqaýǵa qatysady. Bul týraly Senattyń baspasóz qyzmeti habarlady.
Murat Baqtııaruly TMD-ǵa qatysýshy memleketter Parlamentaralyq Assambleıasy mıssııasynyń baıqaýshylarynyń quramyna endi. UQShU Parlamenttik Assambleıasynyń atynan saılaýdy baıqaýǵa senator Baqytjan Jumaǵulov qatysady. Dınar Nóketaeva saılaý úderisin baıqaý úshin TúrkPA mıssııasynyń quramynda jumys isteıtin bolady.
Senatorlar saılaýdy baıqaýǵa sol saılaý kúni qatysady, sondaı-aq Qyrǵyzstannyń Saılaý jáne referendým ótkizý jónindegi ortalyq komıssııanyń tóraǵasymen, partııalardyń saılaýaldy shtabynyń ókilderimen kezdesýdi josparlap otyr.