Eńbek jáne halyqty áleýmettik qorǵaý mınıstrligi beınekonferensııa tártibinde zańsyz adam áketý nemese ákelý, saýdalaýǵa qarsy kúres máselesi boıynsha vedomstvoaralyq komıssııanyń 38-otyrysyn ótkizdi, dep habarlaıdy Egemen.kz.
Kezdesý barysynda Bas prokýratýranyń, Ishki ister mınıstrliginiń, Joǵarǵy sottyń, Ádilet jáne Densaýlyq saqtaý mınıstrlikteriniń, jergilikti atqarýshy oryndardyń ókilderi baıandama jasady. Qazaqstandaǵy adam saýdasyna qatysty ahýal jáne oǵan qarsy is-qımyl sharalary talqylandy. Sonymen qatar keńeste, Halyqaralyq kóshi-qon uıymynyń sarapshylary, qoldanystaǵy normatıvtik-quqyqtyq aktilerge túzetýler engizýge bastama kóterý maqsatynda júrgizgen zertteý nátıjesi qaraldy.
Qazaqstanda adam saýdasyna qarsy jumys, 2003 jyldan bastap, QR Úkimetiniń adam saýdasyna baılanysty qylmystarmen kúres, aldyn alý jáne aldyn alý jónindegi is-sharalar jospary aıasynda júrgizilip keledi.
Adam saýdasynyń qurbandaryna arnalǵan arnaıy áleýmettik qyzmetterdi kórsetý standarty, 2016 jyly, pılotty tártipte adam saýdasynyń qurbandaryn tabýdyń úlken úlesine ıe aımaqtarda ázirlendi jáne engizildi: Qostanaı, Ońtústik Qazaqstan oblystary, Astana men Almaty qalalary.
Keıingi jyldary adam saýdasynyń qurbandaryna arnaıy áleýmettik qyzmetter Aqtóbe, Shyǵys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan jáne taǵy basqa óńirlerde kórsetildi.
2016-2019 jyldar aralyǵynda 600-den astam adamǵa jalpy somasy 288 mln teńgeden astam qyzmet kórsetildi. Jergilikti atqarýshy oryndardyń málimeti boıynsha, aǵymdaǵy jyldyń 1-shi jartysynda 80 adam arnaıy áleýmettik qyzmetti aldy.
EHÁQM múddeli orynarmen jáne uıymdarmen birlesip, 2020-2021 jyldarǵa arnalǵan zańsyz áketýge, ákelýge jáne adam saýdasyna qarsy is-qımyl jónindegi Vedomstvoaralyq komıssııanyń jumys josparyn ázirleýde.
Eske sala keteıik, ózara is-qımyldy úılestirý úshin komıssııanyń tóraǵalyǵy aýyspaly negizde bolady. 2014-2015, 2018-2019 jyldary ony QR IIM júzege asyrdy, 2016-2017 jyldary, sonymen qatar aǵymdaǵy jyldan 2021 jylǵa deıin QR EHÁQM atqarýda.