Túrkistan oblysynda óz balalaryn aıaýsyz sabaǵan er adam qamaýǵa alyndy, - dep habarlaıdy Egemen.kz Túrkistan oblysy PD baspasóz qyzmetine silteme jasap.
Eske salaıyq, 4 qazanda áleýmettik jelilerge monıtorıng júrgizý barysynda Túrkistan oblysy Polısııa departamentiniń polıseıleri belgisiz er adamnyń kámeletke tolmaǵan balany uryp-soǵyp jatqan beınejazbasyn anyqtady.
Bul derek Qazyǵurt aýdandyq polısııa bólimshesinde sotqa deıingi tergeýdiń biryńǵaı tizilimine QR Qylmystyq kodeksiniń 110-baby, 2-bóligi boıynsha tirkeldi. Sol kúni kúdiktiniń áıeli polısııa bólimine óziniń balalaryn kúıeýi uryp-soqqany týraly aryz jazǵan. Polıseıler jumys istemeıtin jergilikti turǵyndy ustady.