Ishki ister mınıstri Erlan Turǵymbaev Túrkistan oblysynda óz balalaryn uryp-soqqan ákeniń isine qatysty pikir bildirdi, dep habarlaıdy Egemen.kz.
"Túrkistan oblysyndaǵy jaǵdaıǵa kelsek, balalardyń anasy buǵan deıin de kúıeýiniń ústinen birneshe ret shaǵym túsirgen. Biraq aryz jazbaǵan, kúıeýinen ajyrasýǵa ótinish bermegen. Bul jerde polıseılerdiń jumysyn aıqyndaıtyn ózindik zańnamalyq tustar bar. Biz shaǵymsyz ol áıeldiń joldasyn 3 saǵattan artyq qamaýda ustaı almaımyz. Sondaı-aq sebepsiz ákimshilik jaýapkershilikke de tarta almaımyz", - dedi Erlan Turǵymbaev.
Aıta keteıik, keshe áleýmettik jelilerde er adamnyń kámeletke tolmaǵan balany uryp-soǵyp jatqan beınejazbasy tarady. Atalǵan jaıt sotqa deıingi tergeý tizilimine QR QK 110-baby 2-bóligi "Azaptaý" boıynsha tirkeldi. Polıseıler oqıǵanyń Túrkistan oblysynda bolǵanyn anyqtady. Kóp uzamaı balalaryn uryp-soqqan áke qamaýǵa alyndy.