Elbasy mýzeıinde – aq halatty abzal jandar

Elordanyń qalalyq ftızıopýlmonologııa ortaly­ǵynyń dırektory Anna Sepke bastaǵan bir top medısına qyzmetkerin Elbasy kitaphanasynyń dırektory Ámirhan Rahymjanov qarsy aldy. Indetpen kú­res­ken aq halatty abzal jan­­dardyń eren eńbegine al­­ǵy­syn bildirgen Ámirhan Mu­ratbekuly olardyń ju­mys­taryna sáttilik tiledi. Jańa ǵımaratty aralaý bary­synda dárigerler táýel­­siz eldiń qol jetkizgen je­tis­tikterimen tanysyp, Elba­synyń ómir joly men qyz­meti týraly mol aqparat aldy.

«Mýzeı egemendi eli­miz­diń tarıhı jolyn erekshe kreatıvti formatta topta­malar arqyly usynǵan eken. Ár jádigerdi súısine qara­dyq. Kózdiń jaýyn alatyn mun­daı keremet ekspozısııa­da tutas shyǵarmashylyq ujym­nyń eńbegi jatyr. Munda Tuńǵysh Prezıdent – Elbasy N.Á.Nazarbaevtyń táýelsiz Qazaq­standy qurý jolyndaǵy sarabdal saıa­saty men egemendi eldi kór­keıtýdegi eren eńbegi zamanaýı tehnologııalarmen jan-jaqty, tereń ári qanyq etip kórsetilgen. Bizge osyndaı múmkindik týdyrǵan mekeme basshylyǵyna alǵysy­myz­dy bildiremiz, – dedi qala­lyq ftızıopýlmonologııa ortalyǵynyń dırektory Anna Sepke.

«Qazaqstan-2030» stra­tegııa­synda Qazaqstan aza­mat­­tary­nyń densaýlyǵy, bilimi jáne ál-aýqaty basty ba­ǵyty retin­de kórsetilgen. Aq halatty abzal jandardy, ásirese «Dana­nyń dara joly» zalynda ornalasqan ártúrli medısınalyq ortalyqtardan berilgen káde­syılar erekshe qyzyqtyrdy.

– Jumystyń tyǵyzdy­ǵyna baılanysty kóbine mun­daı dúnıe­lerdi kógildir ekran­nan ǵana kóretinbiz. Kóz­ben kór­gen bólek eken. Osy tusta aıta ketetin jaıt,­­ Tuńǵysh Prezı­dent­tiń­ bas­tamasymen Nur-Sul­tan qala­synda zamanaýı talap­­­tarǵa jaýap beretin úsh ınnovasııalyq medısınalyq ortalyqty biriktiretin me­dı­sı­nalyq klaster quryl­dy. Búginde University Medical Center qura­myna kiretin Respýblıkalyq dıag­nostıkalyq ortalyq, Ana men bala ulttyq ǵylymı ortalyǵy jáne Balalardy ońal­týdyń ulttyq ortalyǵy halyq­tyń densaýlyǵyn jaqsartý jolynda júıeli jumystar júrgizýde. Munyń bári eldiń qamyn oılaǵan Elbasymyzdyń arqasy dep bilemin. Bul mýzeıden ózi­miz­diń áriptesterimiz syı­laǵan kádesyılardy kórip, janym jadyrap qaldy, – deıdi qalalyq ftızıopýl­monologııa ortalyǵy dırek­torynyń orynbasary Janna Dakenova.

Qazaqstan halqynyń tá­ýel­­­sizdik jyldarynda qol jet­kiz­gen jetistikterin baıan­­daı­­tyn qorytyndy shoý­dy tama­shalaǵan dárigerler «Qazaq­­stan maqtanyshy» za­lyn­daǵy ınte­raktıvti alań­­­dy aralap, «Mádenıet» bóli­­mindegi ult­tyq aspaptardy ustap kórip, kúmbir­legen kúı tyńdady. Ekskýrsııa so­ńynda medısına mamandary keıingi eki zaldyń adam den­saýlyǵyna óte paıdaly ekenin aıtyp, qala tur­ǵyn­­daryn mýzeıge kelýge jáne salamatty ómir saltyn saqtaýǵa shaqyrdy.