10 jáne 11 qazanda elordada Pavlodar jáne Soltústik Qazaqstan oblystarynyń taýar óndirýshileriniń qatysýymen aımaqtyq qorytyndy jármeńke ótedi
Jármeńkege Pavlodar, Aqsý, Ekibastuz qalalary men oblystyń aýyldyq aımaqtarynyń aýyl sharýashylyǵy qurylymdary, sondaı-aq Petropavl qalasy men oblystyń barlyq aımaqtarynyń 115-ke jýyq kásiporny qatysady. Aýylsharýashylyq ónimderiniń 100-den astam túri usynylady.
Jármeńkede 1218 tonnaǵa jýyq azyq-túlik ónimderin satý josparlanýda. Oyń ishinde ettiń barlyq túri – 133 tonna; shujyqtar – 4 tonna; kondıterlik ónimder – 1 tonna; makaron ónimderi – 5 tonna; jarma – 2,8 tonna; bal – 13 tonna; qymyz – 1 tonna; sút ónimderi – 14 tonna; maı – 1,3 tonna; un – 28 tonna; kartop pen kókónister (qyryqqabat, sábiz, qyzylsha, baqsha ónimderi) – 944 tonna.
Barlyq ónimder Nur-Sultan bazarlaryndaǵy ortasha baǵadan arzanǵa satylatyn bolady. Jármeńkege brendteri búkil elge jáne shetelge tanymal kásiporyndar qatysady: "Zenchenko ı K", "Maslo-Del" JShS fılıaly, JShS "Galıskoe", JShS "Rýbıkom", JShS "KEMMI", JShS "MolKom Pavlodar", JShS "Krendel" jáne basqalar.
Shara barlyq sanıtarlyq normalarǵa sáıkes ótkiziledi. Kelýshiler maska taǵýy, sanıtaızer qoldanýy jáne araqashyqtyqty saqtaýy qajet.