«Jibek» spektakli Ońtústik Koreıadaǵy bedeldi Daegu International Musical Festival (DIMF) usynylady, dep habarlaıdy ákimdiktiń resmı saıty.
Qoıylym 26-27 qazan aralyǵynda festıval YouTube arnasynda kórsetiledi.
«Jyl saıyn Tegý qalasynda ótetin bul shara Nıý-Iork mýzykalyq festıvalinen (NYMF) keıin teatr súıer qaýym úshin eń mańyzdy mádenı oqıǵa. Uıymdastyrýshylar álemniń ár túkpirinen úzdik mıýzıklderdi tańdap, koreı kórermenderine tanystyrady. Festıval baǵdarlamasynda «Jibek» spektaklinen basqa, 8 eldiń mıýzıklderi boldy», – delingen mádenıet basqarmasynyń habarlamasynda.
Ǵabıt Músirepovtiń (kompozıtory - E.Brýsılovskıı) «Jibek» mıýzıkli máńgilik mahabbattyń qaıǵyly oqıǵasy týraly baıandaıtyn qazaqtyń osy attas epopeıasyna negizdelgen. Qazaq halqynyń mádenıeti men qundylyqtaryn beıneleıtin qoıylymnyń rejısseri - Qazaqstannyń eńbek sińirgen qaıratkeri Nurqanat Jaqypbaı. «Qyz Jibek» lırıkalyq shyǵarmasynyń jańartylǵan nusqasy «Jastar» teatrynyń repertýaryndaǵy eń jarqyndardyń biri jáne festıvaldar men baıqaýlarda birneshe ret marapattarǵa ıe boldy.