Pandemııanyń áseri, saýda sektorynyń onlaınǵa kúrt aýysýǵa daıyndyǵy, kóterme-taratý ortalyqtary, logıstıka máseleleri – osy keshendi máseleler UKP Saýda komıtetiniń otyrysynda talqylandy. Is-sharaǵa «Atameken» QR UKP Tóralqa Tóraǵasy Tımýr Qulybaev jáne Komıtet tóraǵasy Qaırat Májibaev qatysty.
Komıtet basshysy Qaırat Májibaev kásipkerler arasynda saýda salasyndaǵy aınalym sektory 11%-ǵa tómendegenin, saýda salasy anaǵurlym damyǵan jekelegen óńirlerde (Almaty, Nur-Sultan, Shymkent) ekonomıkanyń quldyraýy 20%-dan asqanyn atap ótti. Osy rette «úı janyndaǵy dúkender» men gıpermarketterdiń satylymdar kólemi ósken. Meıramhanalar men kafederdegi kiris 70-90%-ǵa túsken.
«Komıtet músheleri, naryq qatysýshylary, qaýymdastyqtarmen aýqymdy jumys júrgizdik. Karantındik shekteýler nesıelerge qyzmet kórsetý, qyzmetkerlerdi bosatýda aıtarlyqtaı ózgerister ákeldi. Saýda salasynda 1,5 mln adam jumys isteıdi, bul sala áleýmettik turǵyda osal bolyp otyr. Sondyqtan osy salada retteý quraldary da saralanyp qoldanylýy kerek, óıtkeni ondaǵy qatysýshylardyń basym bóligi shaǵyn jáne mıkro bıznestiń ókilderi», – dedi «Atameken» Saýda komıtetiniń tóraǵasy Qaırat Májibaev.
Spıkerler shaǵyn jáne orta kásipkerlikti memlekettik qoldaýda rasıonaldylyqty atap ótti: halyqqa áleýmettik tólemder jasalyp, anaǵurlym zardap shekken salalarda nesıelik jáne salyqtyq jeńildikter berilýi. Osy quraldar arqyly qıyn jaǵdaıdy aıtarlyqtaı «jumsartýǵa» múmkindik jasaldy.
«Onlaın-satylymdardyń áserin baıqap otyrmyz, olar 25%-ǵa ósýi múmkin. О́kinishke qaraı, ınternettiń qarqynyna ilese almaı jatyrmyz. Bizdegi ınternet alańdar, jetkizý, qoımalar jáne jarnama 80%-ǵa reıseılik nemese halyqaralyq kózder. Osy rette bizge ishki áleýetti ósirip, kásipkerlerdi qalaı shoǵyrlandyrý qajettigin baıqap, otandyq alańdardy ósirý úshin jeńildikti kezeńdi oılastyrý qajet», – dedi salalyq komıtettiń tóraǵasy.
Sonymen qatar Qaırat Májibaev EAEO keńistiginde saýdany retteýdegi aıyrmashylyq ekonomıkalyq odaqqa múshe memleketterdi oıynshylaryna qosymsha basymdyq berip jatqanyn atap ótti. UKP basshysy atalǵan máseleler egjeı-tegjeıli zerdelenip, atalǵan uıymnyń jıyny deńgeıinde sheshilýi qajettigin atap ótti.
Tımýr Qulybaev kedennen bastap saqtaý qoımalary, logıstıkaǵa deıin ınfraquralamdy damytý qajettiligin aıtyp, otandyq elektrondy alańdar úlesin arttyrý ıdeıasyn qoldady. Spıker salalyq komıtet tóraǵasynan retteý saıasatyn qosa alǵanda qajetti qoldaý sharalary boıynsha usynystar daıyndaýdy surady.
Kezdesý sońynda UKP basshysy salalyq komıtet pen basqarmaǵa birqatar naqty tapsyrmalar berdi.
«Komıtettiń sala úshin mańyzdy qujattardy: saýda qyzmetin retteý týraly jańa zań jáne 2025 jylǵa deıin saýda salasyn damytý jónindegi memlekettik baǵdarlamany ázirleýge belsendi qatysqany mańyzdy. Kóterme-taratý ortalyqtary júıesin damytý máselesinde memlekettik shamadan tys qatysýy bolmaýy tıis. Bizdiń ustanymymyz – jeke bıznes basqarýǵa ózi belsendi qatysýy kerek. О́z tarapymyzdan biz ótkizý kooperasııasyn jolǵa qoıýǵa kómektesemiz», – dep qorytyndylady kezdesýdi «Atameken» Ulttyq palatasynyń basshysy.